ఓటరు అవతారంలో మంచు హీరో

మంచు హీరో విష్ణు లక్కున్నోడు అంటూ కొన్ని నెలల క్రితం వచ్చినా.. ప్రేక్షకులను ఆకట్టుకోలేకపోయాడు. మరోవైపు తన తర్వాతి సినిమాల విషయంలో కూడా విష్ణు తెగ స్పీడ్ చూపించేస్తున్నాడు. ఆచారి అమెరికా యాత్ర అంటూ.. ఓ ఫుల్ లెంగ్త్ కామెడీ సినిమా చేస్తున్న విష్ణు.. ఆ సినిమాలో బ్రహ్మీతో కలిసి నవ్వులు పంచనున్నాడు.

ఇప్పుడు మంచు విష్ణు హీరోగా మరో చిత్రం కూడా షూటింగ్ జరుపుకుంటోంది. ఈ సినిమా టైటిల్ 'ఓటర్' కాగా.. హీరో ఆఫ్ ది నేషన్ అనేది ట్యాగ్ లైన్. ఓటర్ మూవీలో సురభి హీరోయిన్ గా నటిస్తోంది. ఓటర్ మూవీని.. తెలుగుతో పాటు తమిళంలో కూడా ఏకకాలంలో రిలీజ్ చేసేలా ప్లాన్ చేసుకున్నారు మేకర్స్. ఈ సినిమాలో హీరో కేవలం ఓటర్ మాత్రమే కాదని.. ఫైటర్ కూడా అని చెబుతున్నాడు నిర్మాత సుధీర్ కుమాార్. సమాజంలో జరిగే అక్రమాలు.. అవినీతిపై నిర్భయంగా పోరాడే పాత్రలో మంచు విష్ణు అద్భుతమైన నటనను చూపిస్తున్నాడని అంటున్నారు.

జీఎస్ కార్తీక్ దర్శకత్వంలో రూపొందుతున్న ఓటర్ మూవీ కోసం రీసెంట్ గా ఐర్లాండ్ లో రెండు పాటలను షూటింగ్ చేయగా.. ప్రస్తుతం ఈ చిత్రం షూటింగ్ పార్ట్ చివరి దశకు చేరుకుంది. పోస్ట్ ప్రొడక్షన్ కార్యకలాపాలను కూడా ఇప్పటికే నిర్వహిస్తుండగా.. త్వరలో టైటిల్ లోగోతా పాటు.. తమన్ సంగీతం అందించిన పాటల విడుదల తేదీని కూడా అనౌన్స్ చేయనుంది ఓటర్ యూనిట్.

Like Us on Facebook : https://www.facebook.com/Tupakidotcom/