మాస్ రాజా చేస్తోంది ఆ హాలీవుడ్ మూవీనా?

స‌క్సెస్ కు ఫెల్యూర్స్ కు సంబంధం లేకుండా బ్యాక్ టు బ్యాక్ సినిమాల‌ని టాలీవుడ్ లో సెట్స్ పైకి తీసుకెళుతున్న హీరోలు చాలా మందే వున్నారు. అందులో మాస్ రాజా ర‌వితేజ ముందు వ‌రుస‌లో నిలుస్తున్నారు. 'క్రాక్‌'తో మ‌ళ్లీ ట్రాక్ లోకి వ‌చ్చేసిన ర‌వితేజ ఆ త‌రువాత బ్యాక్ టు బ్యాక్ ఖిలాడీ, రామారావు ఆన్ డ్యూటీ సినిమాల‌తో ఫ్లాపుల్ని సొంతం చేసుకున్న విష‌యం తెలిసిందే. వ‌రుస ఫ్లాపులు ఎదుర‌వుతున్నా ఎక్క‌డా స్పీడు త‌గ్గించడం లేదు.

వ‌చ్చిన అవ‌కాశాన్ని వ‌చ్చిన‌ట్టే ఓకే చేస్తూ వ‌రుస సినిమాల‌తో బిజీ బిజీగా గ‌డిపేస్తున్నాడు. స‌క్సెస్, ఫెయిల్యూర్స్ తో సంబంధం లేకుండా సినిమాల‌ని వ‌రుస‌గా ప‌ట్టాలెక్కిస్తూ మిగ‌తా స్టార్స్ ని ఆశ్చ‌ర్య‌ప‌రుస్తున్నాడు. ప్ర‌స్తుతం హీరోగా మూడు క్రేజీ ప్రాజెక్ట్ ల‌లో ర‌వితేజ‌ న‌టిస్తున్న విష‌యం తెలిసిందే. త్రినాథ‌రావు న‌క్కిన డైరెక్ట్ చేస్తున్న 'ధ‌మాకా' షూటింగ్ పూర్త‌యింది. త్వ‌ర‌లోనే రిలీజ్ డేట్ ని కూడా ప్ర‌క‌టించ‌బోతున్నారు.

ఇక ఈ మూవీతో పాటు సుధీర్ వ‌ర్మ ద‌ర్శ‌క‌త్వంలో రూపొందుతున్న 'రావ‌ణాసుర‌' కూడా ఆల్ మోస్ట్ షూటింగ్ పూర్తి చేసుకుంది. ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. త్వ‌ర‌లోనే ఈ మూవీ రిలీజ్ డేట్ ని కూడా అధికారికంగా ప్ర‌క‌టించే అవ‌కాశం వుంది. ఇక వంశీ డైరెక్ష‌న్ లో స్టూవ‌ర్ట్ పురం గ‌జ‌దొంగ జీవిత క‌థ ఆధారంగా 'టైగ‌ర్ నాగేశ్వ‌ర‌రావు' రూపొందుతోంది. ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. ఈ మూడు సినిమాల కోసం క్ష‌ణం తీరిక లేకుండా ర‌వితేజ గ‌డిపేస్తున్నాడు.

అయితే ఈ మూడు ప్రాజెక్ట్ లు ఎండింగ్ కి చేర‌డంతో తాజాగా కొత్త ప్రాజెక్ట్ కు గ్రీన్ సిగ్న‌ల్ ఇచ్చేశాడు. 'ప్రేమ ఇష్క్ కాద‌ల్‌' సినిమాతో సినిమాటోగ్రాఫ‌ర్ గా ప‌రిచ‌యం అయిన కార్తిక్ ఘ‌ట్ట‌మ‌నేని ఆ త‌రువాత నిఖిల్ తో 'సూర్య వర్సెస్ సూర్య‌' పేరుతో రూపొందిన మూవీతో ద‌ర్శ‌కుడిగా తెరంగేట్రం చేశాడు. ఈ మూవీ త‌రువాత మ‌రో సినిమాని డైరెక్ట్ చేయ‌ని కార్తీక్ ఘ‌ట్ట‌మ‌నేనికి ర‌వితేజ తాజాగా మ‌రోసారి ద‌ర్శ‌కుడిగా అవ‌కాశం ఇచ్చాడు.

స్టైలిష్ యాక్ష‌న్ ఎంట‌ర్ టైన‌ర్ గా పోలాండ్ లో అక్టోబ‌ర్ లో రెగ్యుల‌ర్ షూటింగ్ ప్రారంభం కానున్న ఈ మూవీకి సంబంధించి తాజాగా ఓ ఆస‌క్తిక‌ర‌మైన విష‌యం బ‌య‌టికి వ‌చ్చింది. 2014లో వ‌చ్చిన హాలీవుడ్ మూవీ 'జాన్ విక్‌' ఆధారంగా ఈ మూవీని కార్తిక్ ఘ‌ట్టమ‌నేని తెర‌కెక్కించ‌బోతున్నాడ‌ని వార్త‌లు వినిపిస్తున్నాయి. 'ఈగ‌ల్‌' అనే టైటిల్ తో రూపొంద‌నున్న ఈ మూవీలో మాస్ రాజాకు జోడీగా అనుప‌మ ప‌ర‌మేశ్వ‌ర‌న్ న‌టించ‌బోతోంది. పీపుల్ మీడియా ఫ్యాక్ట‌రీ ఈ మూవీని నిర్మించ‌నున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.