మామ అల్లుళ్ల ఫోటో స్టోరీ రివీల్ చేసిన మెగా మేనల్లుడు..

మెగా మేనల్లుడు సాయి ధరమ్ తేజ్ తన మేనమామల పట్ల ఎంతటి విధేయతగా ఉంటాడో మనం ఇంతకముందు అనేక సందర్భాల్లో చూశాం. ముఖ్యంగా పవర్ స్టార్ పవన్ కళ్యాణ్ తో సాయి తేజ్ కి అటాచ్ మెంట్ ఎక్కువగా ఉంటుంది. తేజ్ ఇండస్ట్రీలో హీరోగా అడుగుపెట్టడానికి పవన్ తన వంతు బాధ్యతను నెరవేర్చుకున్నాడు. ఇక వీలు కుదిరినప్పుడల్లా తేజ్ తన మామ పవన్ గురించిన విషయాలను వెల్లడిస్తూ వస్తుంటాడు. ఇటీవల మెగా డాటర్ నిహారిక వివాహ వేడుకలో సాయి ధరమ్ తేజ్ - పవన్ కల్యాణ్‌ లకు సంబంధించిన ఓ ఫొటో ఎంతగా వైరల్ అయిందో చూశాం. అందులో ప‌వ‌న్ చేతిని ప‌ట్టుకొని సాయి తేజ్ న‌వ్వుతూ ఎక్కడికో తన మామని తీసుకెళ్లడానికి ట్రై చేస్తున్నట్లు కనిపిస్తుంది. ఇప్పుడు తాజాగా ఆ ఫోటో గురించిన వివరాలను వెల్లడించాడు తేజ్.

ప్రస్తుతం తాను నటిస్తున్న 'సోలో బ్రతుకే సో బెటర్' సినిమా ప్రమోషన్స్ లో పాల్గొంటున్న సాయి ధరమ్ తేజ్.. ఓ ఇంటర్వ్యూలో ఆ ఫోటో గురించి వివరణ ఇచ్చాడు. పవన్ మామని ఓ ఫొటో అడిగానని.. దానికి ఆయ‌న ఏరా ఇంతముందెప్పుడు నాతో ఫొటో దిగ‌లేదా అన్నాడని.. ఆ స‌మ‌యంలో మా ఇద్దరి మ‌ధ్య జ‌రిగిన సంభాష‌ణలో భాగంగా ఈ ఫొటో వచ్చిందని తేజ్ నవ్వుతూ తెలిపాడు. కాగా, మెగా ఫ్యామిలీ నుంచి హీరోగా పరిచయమైన తేజ్.. వరుస సినిమాలతో దూసుకెళుతున్నాడు. 'రేయ్' సినిమాతో మొదలు పెట్టిన సినీ ప్రస్థానం 'సోలో బ్రతుకే సో బెట‌ర్' వరకు కొనసాగుతోంది. ఆ మధ్య కొన్ని ఒడిదుడుకులు ఎదుర్కొన్నా ఇప్పుడు రెండు బ్యాక్ టూ బ్యాక్ సక్సెస్ అందుకుని ట్రాక్ లోకి వచ్చాడు తేజ్. 'సోలో బ్రతుకే సో బెటర్' చిత్రాన్ని డిసెంబర్ 25న ప్రేక్షకుల ముందుకు తీసుకొస్తున్నాడు.