మురిపిస్తున్న పాల బుగ్గ‌ల ప‌సిడి బాల‌

పాల బుగ్గ‌ల నిగ్గుల్లో కెంపులు కైపెక్కిస్తున్నాయి. మెహ్రీన్ అందం చందం కుర్ర‌కారులో అంత‌కంత‌కు హీట్ ని రాజేస్తోంది. ప్ర‌స్తుతం ఎఫ్ 3 ప్ర‌మోష‌న్స్ లో బిజీ అయిపోయిన ఈ బ్యూటీ వ‌రుస ఫోటోషూట్ల‌తో మ‌తులు చెడ‌గొడుతోంది. ఇంత‌కుముందే త‌న నిశ్చితార్థం అనంత‌రం పెళ్లిని క్యాన్సిల్ చేసుకుని మ‌రీ తిరిగి రంగుల ప్ర‌పంచంలో వాలిపోయింది. ఇంత‌లోనే ఎఫ్ 3 స‌హా ప‌లు చిత్రాల‌తో బిజీ అయిపోయింది.

తాజాగా  మెహ్రీన్ ట్రెడిష‌న‌ల్ లెహంగాలో అదిరిపోయే ఫోజులిచ్చింది. ఈ డిజైన‌ర్ లుక్ లో పాల బుగ్గ‌ల అందాల‌తో మెహ్రీన్ మురిపిస్తోంది. ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారుతున్నాయి. ఇక ఎఫ్ 3 తో హిట్టు కొడితే త‌దుపరి ఈ బ్యూటీని ఆప‌లేం.

మ‌రో ఛాన్స్ మిస్ చేసుకోదు

హ‌నీ ఈజ్ ది బెస్ట్ అంటూ ఎఫ్ 2లో మెహ్రీన్ హంగామాను తెలుగు యూత్ అంత తేలిగ్గా మర్చిపోలేరు. మిల్కీ వైట్ బ్యూటీ త‌మ‌న్నాతో పోటీప‌డుతూ అందాల మెహ్రీన్ ఈ సినిమాలో అద‌ర‌గొట్టింది. హ‌నీ పేరుకు త‌గ్గ‌ట్టే గ్లామ‌ర‌స్ రోల్ లో మెరుపులు మెరిపించింది.  ప్ర‌స్తుతం F3 లాంటి క్రేజీ సినిమాతో మ‌రోసారి హాట్ టాపిక్ గా మార‌నుంది. రేప‌టి ఉద‌యం ఎఫ్ 3 నుంచి ఊ.. ఆహా అంటై సాగే పూర్తి లిరిక‌ల్ వీడియో విడుద‌ల కానుంది. ఈ మూవీ త్వరలో విడుదలకు సిద్ధమ‌వుతోంది. త‌దుప‌రి ప్రాజెక్టుల గురించి త్వ‌ర‌లోనే మెహ్రీన్ ప్ర‌క‌టించ‌నుంద‌ని స‌మాచారం.