సోనమ్ బ్రదర్ సినిమా.. బాబోయ్

బాలీవుడ్ సీనియర్ హీరో అనిల్ కపూర్ కొడుకుగా.. ప్రస్తుతం స్టార్ హీరోయిన్ రేంజ్ ఎంజాయ్ చేస్తున్న సోనమ్ కపూర్ కి బ్రదర్ గా.. హర్షవర్ధన్ కపూర్ బాలీవుడ్ ఎంట్రీ ఇచ్చేశాడు. సాధారణంగా వారసులు అరంగేట్రం చేసేటప్పుడు సేఫ్ గా సింపుల్ లవ్ స్టోరీ ఎంచుకుంటారు. ఈ కుర్రాడు మాత్రం లవ్ స్టోరీనే అయినా.. చారిత్రక నేపథ్యం ఉన్న సినిమా మిర్జియాను సెలెక్ట్ చేసుకున్నాడు.

మొదటి నుంచి బాలీవుడ్ లో పెద్దగా అంచనాలు లేని మిర్జియా.. ఈ శుక్రవారం థియేటర్లలోకి వచ్చేసింది. అయితే.. నేషనల్ అవార్డ్  విన్నర్ రాకేష్ ఓం ప్రకాష్ మెహ్రా డైరెక్షన్ కావడంతో కొంతమంది ఎదురుచూశారు కానీ.. ఈ మాత్రం అంచనాలను కూడా మిర్జియా అందుకోలేకపోయింది. హీరో హర్షవర్ధన్ కపూర్.. హీరోయిన్ సయామీ ఖేర్ ల యాక్టింగ్ ట్యాలెంట్ ను ఆడియన్స్ దుమ్మెత్తి పోస్తున్నారు. అంతో ఇంతో హీరో బెటరే కానీ.. హీరోయిన్ మాత్రం మరీ దారుణంగా చేసిందట.

అరంగేట్రంలోనే హర్షవర్ధన్ కపూర్ కి పెద్ద షాక్ తగిలిందనే విషయం అర్ధమైపోతోంది. కలెక్షన్స్ కూడా ఏమాత్రం ఆకట్టుకునేలా లేవు. భారీ ఖర్చుతో గ్రాఫిక్స్ మాయాజాలంతో తీసిన ఈ మూవీ.. ఆడియన్స్ కి మాత్రమే కాదు.. ప్రొడ్యూసర్స్ కి కూడా భారీ షాక్ ఇవ్వడం ఖాయంగా కనిపిస్తోంది.

Like Us on Facebook : https://www.facebook.com/Tupakidotcom/