దక్షిణాదిన రొటీన్ గ్లామర్ క్యారెక్టర్లే చేసిన తాప్సి బాలీవుడ్‌కు వెళ్లిపోయాక మారిపోయింది. అక్కడామె టాలెంట్ చూపించుకునే అవకాశం దక్కింది. ‘పింక్’.. ‘నామ్ షబానా’ లాంటి చిత్రాలు తాప్సికి చాలా మంచి పేరు తెచ్చిపెట్టాయి. మంచి విజయాల్ని కూడా అందించాయి. ఈ ఊపులో బాలీవుడ్ లో మరిన్ని పెర్ఫామెన్స్ ఓరియెంటెడ్ రోల్స్ చేస్తోంది తాప్సి. తాజాగా ఆమె నుంచి ‘ముల్క్’ అనే మరో సినిమా రాబోతోంది. ఆగస్టు 3న ఈ చిత్రం విడుదల కాబోతుండగా.. ఈ రోజు ట్రైలర్ లాంచ్ చేశారు. దానికి అదిరిపోయే రెస్పాన్స్ వస్తోంది. ఈ ఏడాది అత్యుత్తమ చిత్రాల్లో ఒకటిగా నిలిచే సత్తా ఈ సినిమాలో ఉన్నట్లు కనిపిస్తోంది. ఇంటెన్స్‌ గా సాగే ట్రైలర్ సినిమాపై ఒక్కసారిగా అంచనాలు పెంచేసింది.
ముంబయి దాడుల నాటి నేపథ్యంలో వాస్తవ సంఘటనల ఆధారంగా ఈ చిత్రాన్ని తెరకెక్కించారు. ఒక ముస్లిం పెద్దాయన కుటుంబానికి చెందిన ఒక వ్యక్తి ఉగ్రవాదిగా మారతాడు. దీంతో ఆ కటుంబంలోని అందరినీ ఉగ్రవాదులుగానే చూస్తుంది సమాజం. ఆ ఇంటి మీద దాడులు జరుగుతాయి. అందరూ వాళ్లను ఛీకొడతారు. పత్రికల్లో రకరకాల వార్తలొస్తాయి. వారిపై కేసులు కూడా పెడతారు. రిమాండుకు వెళ్లాల్సి వస్తుంది. కోర్టుల్లో పోరాడాల్సిన పరిస్థితి తలెత్తుతుంది. ఈ స్థితిలో ఆ కుటుంబం చేసే పోరాటమే ఈ చిత్రం. బాధిత కుటుంబం పెద్దగా రిషి కపూర్ నటించాడు. ఆయన కోసం కోర్టులో పోరాడే లాయర్ పాత్రలో తాప్సి కనిపిస్తోంది. కోర్ట్ రూం డ్రామానే ఈ సినిమాకు ప్రధాన ఆకర్షణగా కనిపిస్తోంది. ఆ సన్నివేశాల్లో ఇటు తాప్సి.. అటు రిషి కపూర్ అదరగొట్టేసినట్లున్నారు. ముఖ్యంగా రిషి కపూర్ ఆహార్యం.. ఆయన నటన అద్భుతంగా అనిపిస్తున్నాయి. ఆయన కెరీర్ లో ఇదొక మైలురాయి లాంటి పాత్రలా కనిపిస్తోంది. తాప్సి కూడా ఆయనకు దీటుగా నటించినట్లుంది. అనుభవ్ సిన్హా ఈ చిత్రానికి దర్శకత్వం వహించాడు.
Full View
ముంబయి దాడుల నాటి నేపథ్యంలో వాస్తవ సంఘటనల ఆధారంగా ఈ చిత్రాన్ని తెరకెక్కించారు. ఒక ముస్లిం పెద్దాయన కుటుంబానికి చెందిన ఒక వ్యక్తి ఉగ్రవాదిగా మారతాడు. దీంతో ఆ కటుంబంలోని అందరినీ ఉగ్రవాదులుగానే చూస్తుంది సమాజం. ఆ ఇంటి మీద దాడులు జరుగుతాయి. అందరూ వాళ్లను ఛీకొడతారు. పత్రికల్లో రకరకాల వార్తలొస్తాయి. వారిపై కేసులు కూడా పెడతారు. రిమాండుకు వెళ్లాల్సి వస్తుంది. కోర్టుల్లో పోరాడాల్సిన పరిస్థితి తలెత్తుతుంది. ఈ స్థితిలో ఆ కుటుంబం చేసే పోరాటమే ఈ చిత్రం. బాధిత కుటుంబం పెద్దగా రిషి కపూర్ నటించాడు. ఆయన కోసం కోర్టులో పోరాడే లాయర్ పాత్రలో తాప్సి కనిపిస్తోంది. కోర్ట్ రూం డ్రామానే ఈ సినిమాకు ప్రధాన ఆకర్షణగా కనిపిస్తోంది. ఆ సన్నివేశాల్లో ఇటు తాప్సి.. అటు రిషి కపూర్ అదరగొట్టేసినట్లున్నారు. ముఖ్యంగా రిషి కపూర్ ఆహార్యం.. ఆయన నటన అద్భుతంగా అనిపిస్తున్నాయి. ఆయన కెరీర్ లో ఇదొక మైలురాయి లాంటి పాత్రలా కనిపిస్తోంది. తాప్సి కూడా ఆయనకు దీటుగా నటించినట్లుంది. అనుభవ్ సిన్హా ఈ చిత్రానికి దర్శకత్వం వహించాడు.