బ్యాట్ మాన్ అభిమానుల‌నే షేక్ చేసిన ఇస్మార్ట్ బ్యూటీ

హీరోయిన్ ‌లు గ్లామ‌ర్ డాళ్స్‌ మాత్ర‌మే అని అనుకుంటుంటాం. వారి ప్ర‌తిభ‌ని గుర్తించేది త‌క్కువే. న‌ట‌న కంటే గ్లామ‌ర్ ఎలివేష‌న్ ఎక్కువ‌ని.. ఇత‌ర ప్ర‌తిభ ఏదీ ఉండ‌ద‌ని తీసిపారేస్తుంటాం. కానీ వారిలోనూ న‌ట‌న‌తో పాటు ఇత‌ర క‌ళ‌లు త‌ర‌చి చూస్తే ఆస‌క్తిని క‌లిగిస్తాయ‌ని తెలియ‌జేస్తోంది క్రేజీ హీరోయిన్ న‌భా న‌టేష్‌. సోష‌ల్ మీడియా పుణ్య‌మా అని హీరోయిన్ ‌ల‌లో వున్న ప్ర‌త్యేక క్వాలిటీస్ బ‌య‌ట‌ప‌డుతున్నాయి.

త‌మ ఎక్స్ ‌ట్రా క‌రికులర్ క్వాలిటీస్ ని,.. ఇత‌ర క‌ళ‌ల్లో త‌మ‌కున్న నైపుణ్యాన్ని సోష‌ల్ మీడియా వేదిక‌గా బ‌య‌ట‌పెట్టేస్తున్నారు. న‌భా న‌టేష్ కూడా త‌నకున్న ప్ర‌త్యేక టాలెంట్ ని తాజాగా బ‌య‌ట‌పెట్టింది. ఈ క‌న్న‌డ సోయ‌గం ఏకంగా మూడు అడుగుల బ్యాట్ మా‌న్ పెయింటింగ్ వేసి ఆశ్చ‌ర్య‌ప‌రిచింది. కేవ‌లం న‌ట‌నే కాదు త‌న‌కు ఇత‌ర క‌ళ‌ల్లోనూ మంచి ప్రావిణ్యం వుంద‌ని స్ప‌ష్టం చేసింది.

ఇన్ స్టా వేదిక‌గా పెయింటింగ్ ను పోస్ట్ చేస్తూ నభా ఆస‌క్తిక‌ర విష‌యాల్ని షేర్ చేసింది. `బ్రూస్ వేన్ .. బాట్మాన్ కు ఒక నివాళిగా దీన్ని చేయడానికి 6/7 సెషన్ల స‌మ‌యాన్నితీసుకున్నాను. ఈ ప్రక్రియ ఉల్లాసంగా ఉంది .. మీరే దీన్ని ప్రత్యక్షంగా చూడండి. మీరంతా నా వ‌ల్ల గ‌ర్వ‌ప‌డుతున్నార‌ని ఫీల‌వుతున్నాను. మీరు బాట్మాన్ అభిమాని అయితే గ‌ర్వంగా ఫీల‌వుతారు` అని షేర్ చేసింది. ప్ర‌స్తుతం న‌భా న‌టేష్ ‘సోలో బ్రాతుకే సో బెటర్`.. ‘అల్లుడు అదుర్స్ చిత్రాల్లో న‌టిస్తోంది.