కవ్వించే చూపులు.. కైపెక్కించే అందాలు..

అలనాటి నన్ను దోచుకుందువటే.. వన్నెల దొరసాని అనే పాట గుర్తుందా..! ఆ పాటలోని వన్నెల దొరసాని ఎవరో కాదు. కన్నడ బ్యూటీ నభ నటేష్. నన్ను దోచుకుందువటే.. అనే సినిమాతో తెలుగు చిత్రసీమలో అరంగేట్రం చేసింది. ఆకట్టుకునే అందం.. అద్భుతమైన నటనతో మొదటి సినిమాతోనే యువ హృదయాలను కొల్లగొట్టి.. తెలుగు స్టార్ల దృష్టిని తనవైపు తిప్పుకుంది. కన్నడ ఇండస్ట్రీ నుండి టాలీవుడ్ కి వచ్చిన నభ.. తెలుగులో ఇప్పుడిప్పుడే వరుస సినిమాలతో దూసుకెళ్తూ సెటిల్ అయ్యే ప్రయత్నం చేస్తోంది. గతేడాది డాషింగ్ డైరెక్టర్ పూరీ జగన్నాథ్ రూపొందించిన 'ఇస్మార్ట్ శంకర్' సినిమాలో తెలంగాణ యాసలో మాట్లాడి ఇండస్ట్రీని ఫిదా చేసింది. ఇస్మార్ట్ శంకర్ లో అమ్మడి నటనకు ఫిదా అయిపోయి స్టార్ హీరోలు సైతం వారి సినిమాలలోకి సాదరంగా ఆహ్వానిస్తున్నారు.

ఇటీవలే మాస్ రాజా రవితేజ హీరోగా రూపొందిన డిస్కోరాజా సినిమాలో నటించింది. కానీ ఆ సినిమా పరాజయం పాలవ్వడంతో కాస్త జాగ్రత్త పడుతున్నట్లు కన్పిస్తుంది. ప్రస్తుతం ఈ కన్నడ భామ సాయిధరమ్ తేజ్ 'సోలో బ్రతుకే సో బెటర్' సినిమాలో నటిస్తుంది. ఈ సినిమా షూటింగ్ దశలో ఉండగానే కరోనా వ్యాప్తి చెందడంతో ఇప్పుడు లాక్ డౌన్ లో ఉంది. ఎలాగో లాక్ డౌన్ లో ఖాళీగా ఉంటూ.. సోషల్ మీడియా వేదికగా అభిమానులకు అందుబాటులో ఉంటుంది. ఎప్పటికప్పుడు తన గురించి విషయాలు షేర్ చేస్తూ.. కొత్త కొత్త లుక్స్ లో వేడెక్కించే ఫోటోలను పోస్ట్ చేస్తుంది. ఇక తాజాగా అమ్మడు సోఫాలో కూర్చుని చూపులతో మత్తెక్కిస్తున్న ఫోటో ఇంస్టాగ్రామ్ లో పోస్ట్ చేసింది. అమ్మడి కవ్వించే చూపులకు.. కైపెక్కించే అందాలకు ఇంస్టాగ్రామ్ మొత్తం షేక్ అవుతోంది. పోనిలే.. కనీసం ఇలా అయినా మాకు అందాల విందు చేస్తుందని ఫ్యాన్స్ ఆనందిస్తున్నారు.