మ‌రిది కోసం వ‌చ్చేసిన సమంత

ఒక‌ప‌క్క ‘రంగ‌స్థ‌లం’ విడుద‌లై రికార్డులు తిరుగరాస్తోంది. అయినా ఏ మాత్రం నిర్ల‌క్ష్యం చేయ‌కుండా ప్ర‌మోష‌న్ల కోసం ప్ర‌తీ న్యూస్ ఛానెళ్ తిరిగేస్తున్నాడు ద‌ర్శ‌కుడు సుకుమార్‌. హీరో రామ్ చ‌ర‌ణ్‌- మ‌హేష్ ఆచంట‌- ఆది పినిశెట్టి- న‌రేష్- అన‌సూయ‌ వంటి న‌టులు కూడా త‌లా ఒక‌ట్రెండు ఇంటర్వ్యూలు ఇస్తూ... ప్ర‌చారం ఏ మాత్రం త‌గ్గ‌కుండా చూస్తునే ఉన్నారు. అయితే ఈ బ్యాచ్ లో రామ‌ల‌క్ష్మీ మాత్రం ఎక్క‌డా క‌నిపించ‌లేదు.

కార‌ణం ‘రంగ‌స్థ‌లం’లో త‌న పాత్ర షూటింగ్‌ పూర్త‌వ్వ‌గానే భ‌ర్త నాగ‌చైత‌న్యతో క‌లిసి యూఎస్ టూర్ చెక్కేసింది స‌మంతా అక్కినేని. దాంతో అమెరికా ఫ్లైట్ ఎక్క‌క ముందే అంటే రంగ‌స్థ‌లం ఇంకా థియేట‌ర్ల‌లోకి  రాక‌ ముందు కొన్ని ఇంట‌ర్వ్యూలు ఇచ్చింది రామ‌ల‌క్ష్మీ. అంతే గానీ విడుద‌ల‌యిన త‌ర్వాత గానీ ఎక్క‌డా ప్ర‌చార కార్య‌క‌లాపాల్లో క‌నిపించ‌లేదు. అయితే ‘రంగ‌స్థ‌లం’ కోసం రాని స‌మంత‌... మ‌రిది పుట్టిన‌రోజు వేడుక‌ల కోసం మాత్రం రెక్క‌లు క‌ట్టుకుని వాలిపోయింది. నిన్న జ‌రిగిన అఖిల్ పుట్టిన‌రోజు ప్రైవేటు పార్టీలో భ‌ర్త చైతూతో క‌లిసి హాజ‌రైంది స‌మంత‌. శామ్‌- చైతూ ఫోటోలు సోష‌ల్ మీడియా ద్వారా బ‌య‌టికి రావ‌డంతో  స‌మంత మీద కొంచెం గుస్సా అవుతున్నారు చెర్రీ అభిమానులు. ప్ర‌చారానికి టైం లేదు గానీ పార్టీల‌కు మాత్రం టైం ఉంటుందా... అంటూ కామెంట్లు చేస్తున్నారు.

అయితే రామ‌ల‌క్ష్మీ పాత్ర‌లో అత్యంత స‌హ‌జంగా  ప‌ల్లెటూరి అందంలా క‌నిపించి- చిట్టిబాబుతో ‘ఎంత స‌క్క‌గున్నావే...’ అని పాడించుకున్న‌ స‌మంత‌- ప్ర‌మోష‌న్స్ కార్య‌క్ర‌మాల్లో క‌నిపించ‌పోయినా ముద్దు సీన్ల‌తో.. పైటను తీసి పక్కనపడేసి సీన్లతో హాట్ టాపిక్ అయ్యింది. థియేట‌ర్ల‌లో అభిమానుల‌తో విజిల్స్ వేయించింది. సో... రామ‌ల‌క్ష్మీ అక్క‌డున్నా... ఇక్క‌డున్నా ఒక్క‌టే!

మరిన్ని ఫొటోస్ చూడటానికి క్లిక్ చేయండి