స‌వ్య‌సాచి అంటే ఎవ‌రంటే...

త్వ‌ర‌లో విడుద‌ల‌వ్వ‌బోయే నాగ చైత‌న్య సినిమా స‌వ్య‌సాచి. పేరు కాస్త పురాణాల‌కు సంబంధించిన‌ట్టు ఉన్నా... సినిమా మాత్రం ఈ త‌రం క‌థే. మ‌రి ఏ పేరు లేన‌ట్టు స‌వ్య‌సాచి అనే ఎందుకు పెట్టారు? ఆ పేరుకు అస‌లు అర్థం ఏంటి?  ఈ ప్ర‌శ్న‌ల‌కు స‌మాధానంగా ట్విట్ట‌ర్లో ఓ పోస్టు పెట్టాడు అక్కినేని నాగ చైత‌న్య‌.

ఆ పోస్టు ప్ర‌కారం స‌వ్య‌సాచి అంటే రెండు చేతుల‌ను స‌మ‌ర్థంగా శ‌క్తిమంతంగా ఉప‌యోగించ‌గ‌ల వాడు అని అర్థం. భార‌తంలో అర్జునుడికి స‌వ్య‌సాచి అని పేరుంది. అత‌ను రెండు చేతుల‌తో ఒకే వేగంతో విలువిద్య ప్ర‌ద‌ర్శించ‌గ‌ల‌డు. స‌వ్య‌సాచి సినిమాలోని హీరో కూడా త‌న రెండు చేతుల‌ను స‌మానంగా స‌మ‌ర్ధ‌వంతంగా వాడి ప్ర‌త్యర్థుల‌ను అడ్డుకుని ప‌రిస్థితుల‌ను చ‌క్క‌దిద్దుతాడ‌ట‌. అందుకే ఆ సినిమాకు స‌వ్య‌సాచి అని పేరు పెట్టిన‌ట్టు చిత్ర‌యూనిట్ ట్విట్ట‌ర్‌ పోస్టుద్వారా తెలిపింది. అక్కినేని నాగచైతన్య, చందు మొండేటిల క్రేజీ కాంబినేషన్‌లో రూపొందుతున్న ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తోంది. ఈ సినిమాలో చైతూతో పాటూ నిధి అగ‌ర్వాల్ మాధ‌వ‌న్ భూమిక ముఖ్య‌పాత్ర‌లు పోషిస్తున్నారు.

ఈ సినిమా ఫ‌స్ట్ లుక్ మార్చి 16న రానుంది. కీర‌వాణి సంగీతం అందిస్తున్న‌ ఈ చిత్రంపై అభిమానుల‌లో భారీ ఎక్స్ పెక్టేష‌న్స్ ఉన్నాయి. బాహుబ‌లి త‌రువాత కీర‌వాణి ఈ తెలుగు సినిమాకే ప‌నిచేశాడు.  జూన్ 14న ఈ సినిమాను విడుద‌ల చేయాల‌ని భావిస్తోంది చిత్ర‌యూనిట్‌. స‌వ్య‌సాచితో పాటూ  మారుతి ద‌ర్శ‌క‌త్వంలో శైల‌జా రెడ్డి అల్లుడు అనే చిత్రం చేస్తున్నాడు చైతూ. ఇదొక ఫ్యామిలీ ఎంట‌ర్‌టైన‌ర్ అని స‌మాచారం.