ముందు రిలీజ్ డేట్ ఇవ్వడం.. డేట్ దగ్గర పడేసరికి వెనక్కి తగ్గడం.. ఇది ఎప్పుడూ ఉండే వ్యవహారమే. గత కొన్ని వారాలుగా కూడా ఇదే జరుగుతుంది. గత రెండు వారాంతాలకు ఇంతకుముందు షెడ్యూల్ అయిన సినిమాలు యధావిధిగా రిలీజ్ కాలేదు. ఈ శుక్రవారం విషయంలోనూ అదే జరుగుతోంది. ముందు అనుకున్న ప్రకారమైతే ఈ వీకెండ్లో ‘నేల టిక్కెట్టు’తో పాటు ‘ఆఫీసర్’.. ‘నా నువ్వే’ రిలీజవ్వాల్సింది.
కానీ మాస్ రాజా సినిమా ఒక్కటే విడుదలవుతోంది. మిగతా రెండూ వాయిదా పడిపోయాయి. ‘నా నువ్వే’ చాలా లేటుగా వాయిదా పడటంతో దాని స్థానంలో ఒక కొత్త సినిమా వచ్చి పడింది. నాగశౌర్య కథానాయకుడిగా నటించిన ‘అమ్మమ్మగారిల్లు’ను హడావుడిగా విడుదలకు సిద్ధం చేశారు. ఈ చిత్రంపై ముందు నుంచి ఏమంత బజ్ లేదు. పైగా ఉన్నట్లుండి ఇలా రిలీజ్ చేసేయడమేంటో అర్థం కావడం లేదు. ఈ నేపథ్యంలో ఈ చిత్రం ఏమాత్రం ప్రేక్షకుల దృష్టిని ఆకర్షిస్తుందో చూడాలి.
మరోవైపు ఈ వీకెండ్ కోసమే షెడ్యూల్ అయిన విశాల్ సినిమా ‘అభిమన్యుడు’ కూడా వాయిదా పడింది. ఆ చిత్రాన్ని జూన్ 1న విడుదల చేయబోతున్నట్లు ప్రకటించారు. 1న ‘ఆఫీసర్’.. ‘నా నువ్వే’ సినిమాలు వస్తాయన్న సమాచారం ఉన్నప్పటికీ విశాల్ ధైర్యంగా ఆ డేట్ ఎంచుకోవడం విశేషం. దీని తమిళ వెర్షన్ ‘ఇరుంబు తురై’ సూపర్ హిట్ టాక్ తో రన్ అవుతోంది. సమంత కథానాయికగా నటించిన ఈ చిత్రంపై తెలుగులోనూ మంచి అంచనాలున్నాయి. మరోవైపు జూన్ 1కే ఫిక్సయిన ‘రాజు గాడు’ను ఇంత పోటీ మధ్య ఎందుకని వాయిదా వేస్తున్నట్లు సమాచారం.
కానీ మాస్ రాజా సినిమా ఒక్కటే విడుదలవుతోంది. మిగతా రెండూ వాయిదా పడిపోయాయి. ‘నా నువ్వే’ చాలా లేటుగా వాయిదా పడటంతో దాని స్థానంలో ఒక కొత్త సినిమా వచ్చి పడింది. నాగశౌర్య కథానాయకుడిగా నటించిన ‘అమ్మమ్మగారిల్లు’ను హడావుడిగా విడుదలకు సిద్ధం చేశారు. ఈ చిత్రంపై ముందు నుంచి ఏమంత బజ్ లేదు. పైగా ఉన్నట్లుండి ఇలా రిలీజ్ చేసేయడమేంటో అర్థం కావడం లేదు. ఈ నేపథ్యంలో ఈ చిత్రం ఏమాత్రం ప్రేక్షకుల దృష్టిని ఆకర్షిస్తుందో చూడాలి.
మరోవైపు ఈ వీకెండ్ కోసమే షెడ్యూల్ అయిన విశాల్ సినిమా ‘అభిమన్యుడు’ కూడా వాయిదా పడింది. ఆ చిత్రాన్ని జూన్ 1న విడుదల చేయబోతున్నట్లు ప్రకటించారు. 1న ‘ఆఫీసర్’.. ‘నా నువ్వే’ సినిమాలు వస్తాయన్న సమాచారం ఉన్నప్పటికీ విశాల్ ధైర్యంగా ఆ డేట్ ఎంచుకోవడం విశేషం. దీని తమిళ వెర్షన్ ‘ఇరుంబు తురై’ సూపర్ హిట్ టాక్ తో రన్ అవుతోంది. సమంత కథానాయికగా నటించిన ఈ చిత్రంపై తెలుగులోనూ మంచి అంచనాలున్నాయి. మరోవైపు జూన్ 1కే ఫిక్సయిన ‘రాజు గాడు’ను ఇంత పోటీ మధ్య ఎందుకని వాయిదా వేస్తున్నట్లు సమాచారం.