సూపర్ స్టార్ టైటిల్ తో నాగ శౌర్య?

ఛలో లాంటి బ్లాక్ బస్టర్ హిట్ తర్వాత కొన్ని ప్రయోగాలు చేయబోయి ఆశించిన ఫలితాలు అందుకోలేకపోయిన నాగ శౌర్య గట్టిగా బౌన్స్ బ్యాక్ అయ్యేందుకు పక్కా ప్రణాళికతో సాగుతున్నాడు. త్వరలో సమంతాతో చేసిన ఓ బేబీ విడుదల కానుండగా హడావిడి లేకుండా తన స్వంత బ్యానర్ లో రమణతేజను దర్శకుడిగా పరిచయం చేస్తూ తీస్తున్న మూవీ షూటింగ్ కూడా ఓ కొలిక్కి తెచ్చేస్తున్నాడు.

ఇప్పటిదాకా మీడియాకు అప్ డేట్స్ లేకుండా సైలెంట్ గా కానిచ్చేసిన ఈ సినిమా టైటిల్ కు సంబంధించి ఓ ఆసక్తికరమైన అప్ డేట్ బయటకి వచ్చింది. దాని ప్రకారం అశ్వద్ధామ అనే టైటిల్ ఫిక్స్ చేసే ఆలోచనలో ఉన్నారట. ఇంకా అఫీషియల్ గా చెప్పలేదు కాని ఆ మేరకు దాదాపు నిర్ణయం తీసుకున్నారని ఇన్ సైడ్ టాక్

అశ్వద్ధామకు సూపర్ స్టార్ కు కనెక్షన్ ఉంది. ముప్పై ఏళ్ళ క్రితం కృష్ణ గారు నటించిన మూవీ పేరు ఇది. బి గోపాల్ దర్శకత్వం వహించిన ఈ మూవీ అప్పట్లో మంచి కమర్షియల్ హిట్. తర్వాత ఎవరూ దీన్ని రిపీట్ చేయలేదు. ఇన్నాళ్ళకు నాగ శౌర్యకు దీని మీద కన్ను పడింది. ఇది స్వయంగా తను రాసుకున్న కథ కావడం మరో విశేషం. అయితే టైటిల్ కు సంబంధించి అధికారిక ప్రకటన వచ్చే దాకా ఖరారుగా చెప్పలేం

ఇది కాకుండా రాఘవేంద్ర రావు గారు ముగ్గురు దర్శకులు ముగ్గురు హీరొయిన్లతో రూపొందించే మూవీకి కూడా నాగ శౌర్యనే ఎంపికయ్యాడు. సుబ్రమణ్యపురం ఫేం సంతోష్ జాగర్లమూడితో మరో ప్రాజెక్ట్ కమిట్ అయ్యాడు. మొత్తానికి వరస సినిమాలతో టాప్ గేర్ లో ఉన్న నాగ శౌర్య ఓబేబీతో మొదలుకుని ఇకపై గ్యాప్ లేకుండా రాబోతున్నాడు