బయోపిక్ ని టార్గెట్ చేసిన మెగా బ్రదర్

ఇటీవలే బాలకృష్ణ ఎవరో నాకు తెలియదని ఓ ఇంటర్వ్యూలో చెప్పి వివాదం రేపిన మెగా బ్రదర్ నాగబాబు మరుసటి రోజు పాత తరం కమెడియన్ బాలకృష్ణ తెలుసు అంటూ వివాదాన్ని ఇంకాస్త పెద్దది చేసిన సంగతి తెలిసిందే. దీని మీద ఇద్దరు హీరోల అభిమానులు కామెంట్లు కౌంటర్లు పరస్పరం విసురుకున్నారు కవ్వించుకున్నారు. అయితే అక్కడితో ఇది అయిపోయిందనే అనుకున్నారు అందరు. కానీ నాగబాబుకు మాత్రం ఇప్పట్లో ఈ టాపిక్ ను వదిలే ఉద్దేశంలో ఉన్నట్టు కనిపించడం లేదు. మొన్న బ్రీడ్ అంటూ కొన్ని దున్నపోతుల ఫోటోలను పోస్ట్ చేసి అమ్మకానికి ఉన్నాయని కామెడీగా పెట్టిన పోస్ట్ బాగా వైరల్ అయ్యింది.

ఇక ఇప్పుడు నేరుగా బయోపిక్ ని టార్గెట్ దాని మీదే వ్యంగ్యాస్త్రాలు విసరడం గమనార్హం. కట్టుకథలు కొన్ని కల్పనలు కొన్ని చుట్టనేల మూటకట్టనేల నిజం కక్కలేని బయోపిక్కులొద్దయ్య విశ్వదాభిరామ వినురమామ అంటూ సర్కాస్టిక్ గా పెట్టడం ఇప్పుడు సోషల్ మీడియాలో పెద్ద చర్చకు దారి తీస్తోంది. అయితే పవన్ కళ్యాణ్ ఎవరో తనకు తెలియదన్న బాలయ్య ను టార్గెట్ చేసుకుని నాగబాబు ఇలా కావాలనే చేస్తున్న విషయం స్పష్టంగా అర్థమవుతోంది.

అభిమానులు సైతం దీనికి విపరీతంగా మద్దతు పలుకుతున్నారు. ఏకంగా 1200 షేర్లు వేలలో కామెంట్లు లైకులు దీన్ని స్పష్టం చేస్తున్నాయి. నాగబాబు తీరు పట్ల బాలకృష్ణ ఫ్యాన్స్ బాగా కోపంతో ఉన్నారు.  మరి పవన్ ఎవరో తెలియదని మీ హీరో మీడియా మైకు ముందు చెప్పగా లేనిది మేమలా అంటే వచ్చిందా అంటూ రివర్స్ లో నిలదీస్తున్నారు. అయితే స్టే ట్యూన్డ్ అని తన పోస్ట్ చివర్లో పెడుతున్న నాగబాబు ఈ ప్రహసనాన్ని ఇప్పట్లో ఆపే ఉద్దేశం లేదని స్పష్టంగా చెబుతున్నట్టేగా

Full View