రూటు మార్చావా నాగ్‌??

చాలామంది ప్రొడ్యూసర్లు.. (వీళ్లలో స్టార్ హీరోలు కూడా ఉన్నారులే) తమ కొడుకుల అందరూ మగధీరలూ బాహుబలులు చేయాలని అనుకుంటారు. కాని ఆ సినిమాలను వారే ప్రొడ్యూస్ చేయాలని అనుకోరు. అదిగో కోట్లు సంపాదించిన బ్రహ్మానందం ఇప్పటివరకు తన కొడుకు హీరో అవ్వడానికి రూపాయి పెట్టి ఒక్క సినిమా కూడా తీయలేదు. అయితే తన పిల్లలకు కావల్సినంత మార్కెటింగ్ పుష్ ఇస్తున్న నాగార్జున కూడా.. పిల్లలపై ఇప్పటివరకు పెద్దగా ఇన్వెస్ట్ మెంట్ అనేదే చేయలేదు.

అందుకే ఇప్పుడు రూటు మార్చేసి.. ఎలాగైనా సరే నాగచైతన్య అండ్ అఖిల్ సినిమాలను చాలా గ్రాండ్ గా బయటకు తేవాలని నాగ్ అనుకుంటున్నాడట. అదిగో 'రారండోయ్ వేడుక చూద్దాం' అనే సినిమా షూటింగ్ అంతా పూర్తయిపోయాక.. కొన్ని సీన్లను రీషూట్ చేస్తే బెటర్ అని దర్శకుడు చెప్పడంతో.. వెంటనే అన్నపూర్ణ స్టూడియోస్ అందుకే ఏర్పాట్లు చేస్తోంది. అలాగే అఖిల్ తదుపరి సినిమాను చేస్తున్న దర్శకుడు విక్రమ్ కె కుమార్ కు కూడా కావల్సినంత బడ్జెట్ నాగ్ కేటాయిస్తున్నాడట. గతంలో మాదిరి మనోళ్లు దీనికెంత? దానికెందుకు? ఇదవసరం లేదు? వంటి డైలాగులు చెప్పకుండా.. చైతన్య అండ్ అఖిల్ కోసం ఎంతైనా ఖర్చు పెట్టేస్తున్నారు.

ఒక ప్రక్కన తన కాంటెపరరీ స్టార్ల పిల్లలు చాలామంది 40 కోట్ల షేర్ ను ఇట్టే తెస్తున్నారు. అలాగే చాలామంది సూపర్ స్టార్డమ్ కూడా తెచ్చేసుకున్నారు. కాని చైతన్య మాత్రం ఇంకా ఒక 20 కోట్ల పై రేంజులో సరైన సోలో హిట్టే కొట్టలేదు. అఖిల్ కూడా అంతే. కాబట్టి నాగ్ ఈ జాగ్రత్తలన్నీ తీసుకోవాల్సిందే.

Like Us on Facebook : https://www.facebook.com/Tupakidotcom/