షారూక్ బాటలో కింగ్‌ కూడా...

కొత్త ట్రెండ్ ని సృష్టించడంలో అక్కినేని నాగార్జున ఎప్పుడూ ముందుంటారు. కొత్త దర్శకులు - కొత్త కాన్సెప్ట్ లతో అలరించడంలో ఆయన్ని రీచ్ కావడం కష్టం. ఇప్పుడు లైవ్ పెర్ఫామెన్స్ విషయంలోనూ ట్రెండ్ సృష్టించనున్నారు నాగ్. ఆడియో ఫంక్షన్ లలో డ్యాన్స్ ప్రోగ్రామ్స్ సాధారణమే. ఆయా హీరోల ముందు సినిమాల్లో పాటలకు డ్యాన్సర్లతో ప్రోగ్రామ్స్ నిర్వహిస్తూ ఉంటారు. కానీ ఈ కార్యక్రమాల్లో ఆ హీరోలు లైవ్ పెర్ఫామెన్స్ ఇచ్చే కల్చర్ మనదగ్గర లేదు.

ఆ మాటకొస్తే అసలు స్టార్ హీరోలు స్టేజ్ పై డ్యాన్సులు చేయడమంటే.. వజ్రోత్సవాలు లాంటి అరుదుగా జరిగే ఇండస్ట్రీ ఈవెంట్లలో మాత్రమే జరుగుతుంది. రీసెంట్ గా సాయి ధరం తేజ్ లాంటి కుర్ర హీరోలు మాత్రం తమ ఈవెంట్లలో తామే డ్యాన్స్ చేశారు. అయితే సీనియర్లు - స్టార్ హీరోల్లో మొదటగా నాగార్జునే ఈ ట్రెండ్ సెట్ చేయబోతున్నాడు. సోగ్గాడే చిన్ని నాయన ఆడియో ఫంక్షన్ లో లైవ్ పెర్ఫామెన్స్ చేస్తున్నాడు నాగ్. డ్యాన్స్ అంటే ఏదో అప్పటికప్పుడు స్టేజ్ పైకి వచ్చి, కాళ్లూ చేతులూ ఉపేసి వెళ్లిపోయే బాపతు కాదు. ముందునుంచి ఈ కార్యక్రమం కోసం రిహార్సెల్స్ కూడా చేయడం విశేషం. బాలీవుడ్ లో ఈ ట్రెండ్ ఎక్కువగానే ఉంటుంది.

బాలీవుడ్ బాద్ షా షారూక్ ఖాన్ అయితే.. తన కార్యక్రమం మొత్తాన్ని తనే హోస్ట్ చేసేస్తుంటాడు కూడా. అలాగే డ్యాన్సులు, కామెడీ కూడా ఆన్ స్టేజ్ పై కుమ్మేస్తుంటాడు. ఇప్పుడిలాంటి ట్రెండ్ నే నాగ్ టాలీవుడ్ లో స్టార్ట్ చేస్తున్నాడన్న మాట. ఏమైనా నాగ్ స్టైలే వేరు. ఇండస్ట్రీలో ట్రెండ్ సెట్టర్ అంటే ఎలా ఉండాలో.. నాగ్ ను చూస్తే అర్ధమవుతుంది అంటున్నారు టాలీవుడ్ జనాలు.