బంగార్రాజు ఇంకాస్త లేట్!

'మన్మథుడు 2' తర్వాత నాగార్జున ఇమిడియట్ ప్రాజెక్ట్ 'బంగార్రాజు'. 'సోగ్గాడే చిన్ని నాయన' కి సీక్వెల్ గా తెరకెక్కనున్న ఈ సినిమాకు సంబంధించి కొన్ని నెలలుగా స్క్రిప్ట్ వర్క్ జరుగుతుంది. కళ్యాణ్ కృష్ణ అండ్ టీమ్ ఇప్పటికే పూర్తి కథను సిద్ధం చేశారు. 'మన్మథుడు 2' రిలీజయిన వెంటనే నాగ్ ఈ సినిమాను సెట్స్ పైకి తీసుకొస్తాడని అందరూ ఊహించారు.

అయితే బంగార్రాజు సినిమా ఇప్పుడే సెట్స్ పైకి రాకపోవచ్చు. "కళ్యాణ్ కృష్ణ బ్రదర్ ఇటీవలే మరణించాడు. చాలా చిన్న వయసులోనే ఇలా జరగడంతో కళ్యాణ్ చాలా డిస్టర్బ్ అయ్యాడు. ప్రస్తుతం తనని సినిమా గురించి అడిగి ఇబ్బంది పెట్టలేను. ప్రస్తుతానికి మన్మథుడు 2 రిలీజ్ ఉంది బిగ్ బాస్ ఉంది వీటితో ఎంజాయ్ చేస్తా" అంటూ చెప్పాడు నాగ్. అలాగే ధనుష్ తో కలిసి చేస్తున్న సినిమా గురించి కూడా క్లారిటీ ఇచ్చారు. "ఒక షెడ్యూల్ అయ్యిందని నేను రెండో షెడ్యూల్ లో ఎంటర్ అవ్వాల్సి ఉండగా సినిమా అనుకోకుండా క్యాన్సల్ అయ్యిందని" చెప్పుకొచ్చాడు కింగ్.

సో నాగ్ బంగార్రాజు సినిమా స్టార్ట్ అవ్వడానికి ఇంకా టైం పట్టొచ్చు. అన్నపూర్ణ స్టూడియోస్ బ్యానర్ పై తెరకెక్కించనున్న ఈ సినిమాలో నాగార్జున తో కలిసి నాగ చైతన్య కూడా స్క్రీన్ షేర్ చేసుకోనున్నాడు. మరి నాగ్ ఈలోపు ఇంకో సినిమా చేస్తాడా..? లేదా బిగ్ బాస్ తో సరిపెట్టుకుంటాడా..చూడాలి