రాక్షసిని గెస్ట్ రోల్ కి పిలిచిన నాని..

నేచురల్ స్టార్ నాని మాంచి ఊపు మీదున్నాడు. రీసెంట్ గా మహేష్ బాబుతో కూడా మంచి యాక్టర్ అని పొగిడించేసుకోవడంతో.. నాని రేంజ్ ఆకాశానికి వెళ్లిపోయింది. నాని కొత్త సినిమా కృష్ణ గాడి వీర ప్రేమగాధ ఆడియో లాంఛింగ్ కు వచ్చిన మహేష్ బాబు.. ఇలా ప్రశంసల వర్షం కురిపించాడు. ఇప్పుడు నానిని మరో హీరోయిన్ కూడా తెగ పొగిడేస్తోంది.

భలేభలే మగాడివోయ్ మూవీతో తనకు బ్లాక్ బస్టర్ ఇచ్చిన నానిని.. ఆ మూవీ హీరోయిన్ లావణ్య త్రిపాఠి ఆకాశానికి ఎత్తేస్తోంది. 'కృష్ణగాడి వీర ప్రేమగాథ ట్రైలర్ అద్భుతంగా ఉంది. టీమ్ కు ఆల్ ది పెస్ట్. నాని మరో బ్లాక్ బస్టర్ కొట్టడం ఖాయం. భలేభలే' అంటూ ట్వీట్ చేసింది అందాల రాక్షసి. దీనికి ఆన్సర్ గా నాని కూడా దండకం చదివేశాడు. 'లావణ్యా.. ఇప్పుడు నువ్వే హిట్ మిషన్ వి. నా సినిమాలో ఒక గెస్ట్ రోల్ చెయ్యి ప్లీజ్' అని ట్వీట్ చేశాడు నాని. భలేభలే మగాడివోయ్ తర్వాత.. లావణ్య త్రిపాఠి మరో హిట్ కొట్టేసింది. తాజాగా విడుదలైన నాగార్జున సోగ్గాడే చిన్ని నాయన మూవీ అద్భుతమైన టాక్ తో దూసుకుపోతోంది.

అందుకే నాని ఇప్పుడు లావణ్యను హిట్ మెషీన్ అన్నాడని అర్దమవుతోంది. నాని అనడం ఓకే కానీ.. ఈ అమ్మడికి మరో హిట్ కానీ పడిందంటే.. టాలీవుడ్ ఈమె వెంట పడిపోవడమే కాదు.. గోల్డెన్ లెగ్ అనే  బిరుదు కూడా ఇచ్చేయచ్చు. దీనికి తోడు పెర్ఫామెన్స్ పరంగానూ మంచి మార్కులు పడ్డం ఈమెకు ప్లస్ పాయింట్. చూద్దాం.. ఈ ప్రశంసలను లావణ్య ఏమాత్రం నిలబెట్టుకుంటుందో.