వీడియో : నాని తీసుకు వచ్చిన ఇంట్రెస్టింగ్‌ 'మసూద'

నాచురల్‌ స్టార్ నాని తాజాగా ట్విట్టర్ ద్వారా 'మసూద' అనే టీజర్ ను విడుదల చేశాడు. ఈ పేరు కూడా ఎప్పుడు వినలేదు ఏంటా అంటూ నాని ఫాలోవర్స్ ఆ టీజర్ ను చూసి సర్‌ ప్రైజ్ అవుతున్నారు.. మసూద టీజర్ సినిమా పై ఆసక్తిని కలిగించేలా ఇంట్రెస్ట్ గా ఉందంటూ కామెంట్స్ వస్తున్నాయి. నిజంగానే మసూద ఒక ఇంట్రెస్టింగ్ కాన్సెప్ట్‌ తో రూపొందిన సినిమా గా యూనిట్‌ సభ్యులు చెబుతున్నారు.

తిరువీర్‌.. సంగీత కీలక పాత్రల్లో నటించిన మసూద సినిమా ఒక హర్రర్ సినిమా. అమ్మాయికి పట్టిన భూతం ను వదిలించే అంశం చుట్టు ఈ సినిమా తిరుగుతుందని.. అందుకోసం సైన్స్ మరియు భూత వైధ్యం మధ్య ఆసక్తికర సన్నివేశాలు ఉంటాయని అంటున్నారు.

సినిమా లోని సన్నివేశాలు గతంలో చూసినట్లుగా ఉన్నా కూడా ఖచ్చితంగా ఓవరాల్ స్క్రీన్ ప్లే ఆకట్టుకునే విధంగా ఉంటుందని అంటున్నారు.

చిన్న సినిమా నే అయినా కూడా మంచి కంటెంట్‌ ఉన్న సినిమా అవ్వడం వల్లే నాని వంటి ఒక స్టార్‌ టీజర్ ను విడుదల చేసేందుకు ముందుకు వచ్చాడు. టీజర్‌ తోనే సినిమా పై అంచనాలు పెరిగేలా చేశారు. సినిమా ను త్వరలోనే విడుదల చేసే అవకాశాలు ఉన్నట్లుగా సమాచారం అందుతోంది.

ఇక ఈ సినిమాకు సాయి కిరణ్‌ దర్శకత్వం వహించాడు. మళ్లీ రావా మరియు ఏజెంట్‌ సాయి శ్రీనివాస ఆత్రేయ సినిమాలను ప్రేక్షకుల ముందుకు తీసుకు వచ్చిన మేకర్స్‌ ఈసారి మసూద ను తీసుకు వచ్చి ప్రేక్షకులను థ్రిల్‌ చేయబోతున్నారు.

ఇప్పటికే తెలుగు ప్రేక్షకుల ముందుకు ఎన్నో దెయ్యం సినిమాలు వచ్చాయి.. కాని ఇది సమ్ థింగ్‌ స్పెషల్‌ అన్నట్లుగా ఉంటుందని నమ్మకంగా చెబుతున్నారు.Full View