ఫ‌స్ట్‌ లుక్‌: ప్రేమంతా ధార‌బోశాడా..!

సుకుమార్ సినిమాకి ఓ ప్ర‌త్యేక‌మైన స్టైల్ ఉంటుంది. క‌థ మొద‌లుకొని క‌థానాయ‌కుడు క‌నిపించేవ‌ర‌కు అన్నింట్లోనూ ఆ ప్ర‌త్యేక‌మైన  స్టైల్ క‌నిపిస్తూనే ఉంటుంది. తాజాగా ఎన్టీఆర్‌ తో సుక్కు సినిమా చేస్తున్నాడు. చెప్పాలంటే ఇదో క్రేజీ కాంబినేష‌న్‌. తొలిసారి ఆ ఇద్ద‌రూ క‌లిసి చేస్తున్నారు. పైగా ఎన్టీఆర్‌ కి 25వ చిత్రం. అంటే... ఈ సినిమా ఎంత స్పెష‌లో అర్థం చేసుకోవ‌చ్చు. అందుకే సుకుమార్ కూడా త‌న ప్రేమ‌నంతా ధార‌బోసి సినిమాని తెర‌కెక్కిస్తున్న‌ట్టు తెలుస్తోంది. టైటిల్ కూడా `నాన్న‌కు ప్రేమ‌తో` అని ఫిక్స్ చేశారు. ర‌క‌ర‌కాల పేర్లు ప్ర‌చారంలోకి వ‌చ్చిన‌ప్ప‌టికీ తొలి నుంచీ గ‌ట్టిగా ప్ర‌చారం జ‌రుగుతున్న‌ట్టుగా `నాన్న‌కు ప్రేమ‌తో` అన్న టైటిల్‌ నే ఫిక్స్ చేశారు. నాన్న ఆశ‌యాన్ని నెర‌వేర్చిన ఓ కొడుకు క‌థ‌గా ఈ సినిమా తెర‌కెక్కుతున్న‌ట్టు టైటిల్‌ నిబ‌ట్టే అర్థ‌మ‌వుతోంది. ఇందులో ఎన్టీఆర్ రెండు పాత్ర‌ల్లో క‌నిపిస్తాడ‌ని స‌మాచారం.

వినాయ‌క చ‌వితిని పుర‌స్క‌రించుకొని గురువారం టైటిల్‌ ని రివీల్ చేశారు. ఆ టైటిల్‌ తో పాటు వ‌చ్చిన లుక్ సూప‌ర్‌ కూల్‌ గా ఉంది. ఎన్టీఆర్ కొత్త స్టైల్‌ కి తోడు, ఇన్‌ సర్ట్ చేసుకొని య‌మా క్లాసీగా క‌నిపిస్తున్నాడు. ఆ స్టిల్‌ లోనే సుకుమార్‌ కి సినిమాపై  ఉన్న ప్రేమేంటో స్ప‌ష్టంగా క‌నిపిస్తోంది. వ‌చ్చే సంక్రాంతికి ప్రేక్ష‌కుల ముందుకు రానున్న ఈ చిత్రంలో ఎన్టీఆర్ స‌ర‌స‌న ర‌కుల్‌ ప్రీత్‌ సింగ్ న‌టిస్తున్న విష‌యం తెలిసిందే.