'నన్ను నేను అడిగా' వీడియో సాంగ్: 'కార్తికేయ 2' నుంచి బ్యూటిఫుల్ మెలోడీ..!
యంగ్ హీరో నిఖిల్ మరియు టాలెంటెడ్ డైరెక్టర్ చందు మొండేటి కాంబినేషన్‌ లో వచ్చిన ‘కార్తికేయ’ సినిమా మంచి విజయం సాధించింది. దాదాపు ఎనిమిదేళ్ల తర్వాత దీనికి సీక్వెల్ గా దర్శక హీరోల కలయికలో రూపొందిన చిత్రం ''కార్తికేయ 2''. ఇందులో నిఖిల్ సరసన ముగ్ధ అనే పాత్రలో అనుపమ పరమేశ్వరన్ నటించింది.
ఇప్పటికే విడుదలైన 'కార్తికేయ 2' ట్రైలర్ మరియు ఇతర ప్రమోషనల్ కంటెంట్ కు మంచి స్పందన లభించింది. ఈ నేపథ్యంలో ప్రచార కార్యక్రమాల్లో భాగంగా తాజాగా 'నన్ను నేను అడిగా' అనే వీడియో సాంగ్ ను రిలీజ్ చేశారు.
'అడిగా నన్ను నేను అడిగా.. నాకెవ్వరు నువ్వు అని.. అడిగా నిన్ను నేను అడిగానే నిన్నలా లేనని..' అంటూ సాగిన ఈ పాట శ్రోతలను విశేషంగా ఆకట్టుకుంటోంది. ఇది డాక్టర్ కార్తికేయ మరియు ముగ్ధ పాత్రల మధ్య బ్యూటీఫుల్ బాండింగ్ ని చూపిస్తోంది. నిఖిల్ - అనుపమ జంట అందగా కనిపిస్తోంది.
కాల భైరవ ఈ మెలోడీ గీతానికి స్వరాలు సమకూర్చగా.. సింగర్ ఇన్నో గెంగా వినసొంపుగా ఆలపించారు. కృష్ణ మాదినేని ఈ పాటకు సాహిత్యం అందించారు. అందమైన లొకేషన్స్ లో చిత్రీకరించిన ఈ సాంగ్ విజువల్ గానూ ఆకట్టుకుంటోంది. దీనికి కార్తీక్ ఘట్టమనేని సినిమాటోగ్రఫీ అందించగా.. సాహి సురేష్ ఆర్ట్ డైరెక్టర్ గా వర్క్ చేశారు.
ఇటీవల కాలంలో అందరూ లిరికల్ సాంగ్స్ రిలీజ్ చేస్తుండగా.. 'కార్తికేయ 2' మేకర్స్ మాత్రం నేరుగా వీడియో సాంగ్ ను లాంచ్ చేసి ప్రేక్షకుల దృష్టిని ఆకర్షించారు. భారతీయ ప్రాచీన సాంస్కృతిక వ్యవస్థ విశిష్టతను శ్రీ కృష్ణుడి తత్వాన్ని చాటిచెప్పే కథాంశంతో ఈ సూపర్ నేచురల్ మిస్టికల్ థ్రిల్లర్ ను తెరకెక్కించారు.
క‌మ‌ర్షియ‌ల్ చిత్రాల‌తో పాటు విభిన్నమైన కథలతో సినిమాలు రూపొందిస్తున్న పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ బ్యానర్స్ పై టీజీ విశ్వప్రసాద్ - అభిషేక్ అగర్వాల్ 'కార్తికేయ 2' చిత్రాన్ని నిర్మిస్తున్నారు. వివేక్ కూచిభోట్ల సహ నిర్మాతగా వ్యవహరిస్తున్నారు.
ఇందులో ప్రముఖ బాలీవుడ్ నటుడు అనుపమ్ ఖేర్ కీలక పాత్ర పోషించగా.. శ్రీనివాసరెడ్డి - ప్రవీణ్ - ఆదిత్యా మీనన్ - తులసి - సత్య - వైవా హర్ష - వెంకట్ తదితరులు ఇతర పాత్రల్లో కనిపించనున్నారు. ముందుగా జూలై 22న ఈ చిత్రాన్ని విడుదల చేయాలని మేకర్స్ ప్లాన్ చేసుకున్నారు. దీనికి తగ్గట్టుగా ప్రమోషన్స్ చేశారు.
అయితే ఇప్పుడు 'కార్తికేయ 2' చిత్రాన్ని వాయిదా వేస్తున్నట్లు మేకర్స్ అధికారికంగా ప్రకటించారు. త్వరలోనే తదుపరి తేదీని ఖరారు చేయనున్నారు.
Full View
ఇప్పటికే విడుదలైన 'కార్తికేయ 2' ట్రైలర్ మరియు ఇతర ప్రమోషనల్ కంటెంట్ కు మంచి స్పందన లభించింది. ఈ నేపథ్యంలో ప్రచార కార్యక్రమాల్లో భాగంగా తాజాగా 'నన్ను నేను అడిగా' అనే వీడియో సాంగ్ ను రిలీజ్ చేశారు.
'అడిగా నన్ను నేను అడిగా.. నాకెవ్వరు నువ్వు అని.. అడిగా నిన్ను నేను అడిగానే నిన్నలా లేనని..' అంటూ సాగిన ఈ పాట శ్రోతలను విశేషంగా ఆకట్టుకుంటోంది. ఇది డాక్టర్ కార్తికేయ మరియు ముగ్ధ పాత్రల మధ్య బ్యూటీఫుల్ బాండింగ్ ని చూపిస్తోంది. నిఖిల్ - అనుపమ జంట అందగా కనిపిస్తోంది.
కాల భైరవ ఈ మెలోడీ గీతానికి స్వరాలు సమకూర్చగా.. సింగర్ ఇన్నో గెంగా వినసొంపుగా ఆలపించారు. కృష్ణ మాదినేని ఈ పాటకు సాహిత్యం అందించారు. అందమైన లొకేషన్స్ లో చిత్రీకరించిన ఈ సాంగ్ విజువల్ గానూ ఆకట్టుకుంటోంది. దీనికి కార్తీక్ ఘట్టమనేని సినిమాటోగ్రఫీ అందించగా.. సాహి సురేష్ ఆర్ట్ డైరెక్టర్ గా వర్క్ చేశారు.
ఇటీవల కాలంలో అందరూ లిరికల్ సాంగ్స్ రిలీజ్ చేస్తుండగా.. 'కార్తికేయ 2' మేకర్స్ మాత్రం నేరుగా వీడియో సాంగ్ ను లాంచ్ చేసి ప్రేక్షకుల దృష్టిని ఆకర్షించారు. భారతీయ ప్రాచీన సాంస్కృతిక వ్యవస్థ విశిష్టతను శ్రీ కృష్ణుడి తత్వాన్ని చాటిచెప్పే కథాంశంతో ఈ సూపర్ నేచురల్ మిస్టికల్ థ్రిల్లర్ ను తెరకెక్కించారు.
క‌మ‌ర్షియ‌ల్ చిత్రాల‌తో పాటు విభిన్నమైన కథలతో సినిమాలు రూపొందిస్తున్న పీపుల్ మీడియా ఫ్యాక్టరీ మరియు అభిషేక్ అగర్వాల్ ఆర్ట్స్ బ్యానర్స్ పై టీజీ విశ్వప్రసాద్ - అభిషేక్ అగర్వాల్ 'కార్తికేయ 2' చిత్రాన్ని నిర్మిస్తున్నారు. వివేక్ కూచిభోట్ల సహ నిర్మాతగా వ్యవహరిస్తున్నారు.
ఇందులో ప్రముఖ బాలీవుడ్ నటుడు అనుపమ్ ఖేర్ కీలక పాత్ర పోషించగా.. శ్రీనివాసరెడ్డి - ప్రవీణ్ - ఆదిత్యా మీనన్ - తులసి - సత్య - వైవా హర్ష - వెంకట్ తదితరులు ఇతర పాత్రల్లో కనిపించనున్నారు. ముందుగా జూలై 22న ఈ చిత్రాన్ని విడుదల చేయాలని మేకర్స్ ప్లాన్ చేసుకున్నారు. దీనికి తగ్గట్టుగా ప్రమోషన్స్ చేశారు.
అయితే ఇప్పుడు 'కార్తికేయ 2' చిత్రాన్ని వాయిదా వేస్తున్నట్లు మేకర్స్ అధికారికంగా ప్రకటించారు. త్వరలోనే తదుపరి తేదీని ఖరారు చేయనున్నారు.