దేవసేనను చూస్తే చాలు.. భల్లాలదేవుడికి కానీ బిజ్జాలదేవుడికి కానీ ఎంత కోపమో.. ఎంత అసహ్యమో.. కొత్తగా చెప్పాల్సిన పని లేదు. ఆ కోపం.. ఆ అసహ్యంతోనే కదా.. ఆమెను జైల్లో బంధించి నరకయాతన పెడుతున్నారు వాళ్లిద్దరూ. ఐతే ఈ మధ్య ఇద్దరి మనసు మారిపోయిందో ఏమో.. దేవసేనకు తమతో సమానంగా స్థానం ఇచ్చేశారు.
దేవసేనకు కుర్చీ వేసి తమతో కలిసి కూర్చోబెట్టి.. ఆమెతో చర్చలు జరుపుతున్నారు. పైగా ఆమెకు కూల్ డ్రింక్స్ ఇచ్చి మరీ గౌరవించారు. బహుశా శివుడి ధాటికి తట్టుకోలేక ఆమెను జైలు నుంచి బయటికి తెచ్చి.. సంధి చర్చలు జరుపుతున్నారో ఏంటో. బిజ్జాల దేవుడు మంత్రాంగం నడుపుతుంటే.. భల్లాలదేవుడు ఆసక్తిగా అంతా వింటున్నట్లుగా ఉంది ఈ ఫొటో చూస్తుంటే.
ఇక బాహుబలి ప్రపంచాన్ని దాటి బయటికి వచ్చి ఈ ఫొటో గురించి మాట్లాడాలంటే.. అది ‘బాహుబలి-2’ షూటింగ్ గ్యాప్ లో తీసిన ఫొటో. రెండో భాగం షూటింగ్ మూణ్నాలుగు నెలల ముందే మొదలైనా.. ఈ మధ్యే ప్రధాన తారాగణమంతా సెట్లోకి అడుగుపెట్టింది. ఈ ఫొటోలో కనిపిస్తున్నట్లుగా రానా తొలి భాగంలో కనిపించలేదు కాబట్టి.. ఇది లేటెస్ట్ ఫొటో అని అర్థం చేసుకోవచ్చు. అనుష్క బరువు తగ్గి యంగ్ దేవసేనగా కనిపించడానికి తగ్గట్లుగా తయారైనట్లే ఉంది. ‘బాహుబలి: ది బిగినింగ్’కు జాతీయ అవార్డు వచ్చిన నేపథ్యంలో రెట్టించిన ఉత్సాహంతో పని చేస్తోంది బాహుబలి బృందం.
దేవసేనకు కుర్చీ వేసి తమతో కలిసి కూర్చోబెట్టి.. ఆమెతో చర్చలు జరుపుతున్నారు. పైగా ఆమెకు కూల్ డ్రింక్స్ ఇచ్చి మరీ గౌరవించారు. బహుశా శివుడి ధాటికి తట్టుకోలేక ఆమెను జైలు నుంచి బయటికి తెచ్చి.. సంధి చర్చలు జరుపుతున్నారో ఏంటో. బిజ్జాల దేవుడు మంత్రాంగం నడుపుతుంటే.. భల్లాలదేవుడు ఆసక్తిగా అంతా వింటున్నట్లుగా ఉంది ఈ ఫొటో చూస్తుంటే.
ఇక బాహుబలి ప్రపంచాన్ని దాటి బయటికి వచ్చి ఈ ఫొటో గురించి మాట్లాడాలంటే.. అది ‘బాహుబలి-2’ షూటింగ్ గ్యాప్ లో తీసిన ఫొటో. రెండో భాగం షూటింగ్ మూణ్నాలుగు నెలల ముందే మొదలైనా.. ఈ మధ్యే ప్రధాన తారాగణమంతా సెట్లోకి అడుగుపెట్టింది. ఈ ఫొటోలో కనిపిస్తున్నట్లుగా రానా తొలి భాగంలో కనిపించలేదు కాబట్టి.. ఇది లేటెస్ట్ ఫొటో అని అర్థం చేసుకోవచ్చు. అనుష్క బరువు తగ్గి యంగ్ దేవసేనగా కనిపించడానికి తగ్గట్లుగా తయారైనట్లే ఉంది. ‘బాహుబలి: ది బిగినింగ్’కు జాతీయ అవార్డు వచ్చిన నేపథ్యంలో రెట్టించిన ఉత్సాహంతో పని చేస్తోంది బాహుబలి బృందం.