హీరోగా డైరెక్ట్ తెలుగు మూవీ చేయ‌బోతున్న నేషనల్ అవార్డ్ విన్నర్..?

నేషనల్ అవార్డ్ విన్నింగ్ యాక్టర్ విజయ్ సేతుపతి తన విలక్షమైన నటనతో ప్రేక్షకులను మెప్పిస్తూ 'మక్కల్ సెల్వన్' గా గుర్తింపు పొందారు. ఏడాది పొడవునా బిజీగా ఉండే సేతుపతి భాషతో సంబంధం లేకుండా సినిమాలు చేస్తున్నారు. 'పిజ్జా' 'పేట' వంటి డబ్బింగ్ సినిమాలతో తెలుగు ప్రేక్షకులను పలకరించిన సేతుపతి.. 'సైరా నరసింహా రెడ్డి' సినిమాలో తళుక్కున మెరిసాడు. ఈ క్రమంలో 'ఉప్పెన'లో ప్రతినాయకుడిగా నటించి సినిమా విజయానికి కారణమయ్యాడు. అయితే విజయ్ సేతుపతి ని హీరోగా పెట్టి స్ట్రెయిట్ తెలుగు సినిమా చేయడానికి ఎప్పటినుంచో ప్రయత్నాలు జరుగుతున్నాయి.

ఫైనల్ గా మైత్రీ మూవీ మేకర్స్ వారు విజయ్ సేతుపతి హీరోగా డైరెక్ట్ తెలుగు మూవీ చేసే అవకాశం అందుకున్నారని టాక్ వినిపిస్తోంది. మైత్రీ బ్యానర్ లో టాలెంటెడ్ యాక్టర్ ఆల్రెడీ 'ఉప్పెన' సినిమా చేశాడు. ఇదే క్రమంలో 'పుష్ప' చేయాల్సింది కానీ డేట్స్ ఇష్యూ వల్ల కుదరలేదు. అయితే మైత్రీ వారు తాజాగా విజ‌య్ సేతుప‌తి ద‌గ్గ‌ర‌కు ఓ క‌థ తీసుకువెళ్లార‌ట‌. మీడియం బ‌డ్జెట్ తో ఈ సినిమా చేయ‌డానికి మైత్రీ వారు ఫిక్స్ అయ్యారట. దీని కోసం సేతుపతికి పారితోషకం తోపాటుగా సినిమాలో వాటా కూడా ఉండ‌నుందని టాక్ వినిపిస్తోంది.

ఇదిలావుంటే, విజయ్ సేతుపతి ప్రస్తుతం తమిళ్ లో 'తుగ్లక్‌ దర్బార్' 'కడసాయి వివసాయి' 'మామనితనం' 'లాభమ్' 'యాదుమ్ ఊరే యావరుమ్ కేళిర్' 'కాతు వాకుల రెండు కాదల్' 'అన్నాబెల్లె సుబ్రహ్మణ్యం' 'విడుదలై' వంటి చిత్రాలలో నటిస్తున్నారు. అలానే హిందీలో 'ముంబైకార్' 'గాంధీ టాక్స్' సినిమాలు చేస్తున్నాడు. ఇదే క్రమంలో బాలీవుడ్ బ్యూటీ కత్రినా కైఫ్ తో కలిసి సేతుపతి ఓ వెబ్ సిరీస్ లో నటిస్తున్నాడు.