మలయాళ 'ప్రేమమ్‌' సినిమాతో హీరోయిన్ గా పరిచయమైన నేచురల్ బ్యూటీ సాయి పల్లవి.. 'ఫిదా' సినిమాతో తెలుగు ప్రేక్షకులను ఫిదా చేసింది. గ్లామర్ షో కు ఆమడ దూరంలో ఉంటూ నటనకు ప్రాధాన్యం ఉన్న పాత్రలతో మంచి గుర్తింపు తెచ్చుకుంది. ఈ క్రమంలో టాలీవుడ్ లో క్రేజీ ఆఫర్స్ అందుకుంటున్న సాయి పల్లవి.. ఈ ఏడాది పొడవునా తెలుగు ప్రేక్షకులను అలరించనుంది. గతేడాది ఓ ఆంథాలజీతో ఓటీటీ ఆడియన్స్ ని పలకరించిన ఈ భామ.. 2021లో మూడు క్రేజీ మూవీస్ తో రాబోతోంది.
యువసామ్రాట్ అక్కినేని నాగచైతన్య హీరోగా శేఖర్ కమ్ముల తెరకెక్కిస్తున్న 'లవ్ స్టోరీ' సినిమాలో సాయి పల్లవి హీరోయిన్ గా నటిస్తోంది. ఈ చిత్రం కోసం రౌడీ బేబీ స్టెప్పులు వేసిన 'సారంగ దరియా' సాంగ్ ఎంతటి హిట్ అయిందో ప్రత్యేకంగా చెప్పక్కర్లేదు. ఈ సినిమా ప్రమోషనల్ కంటెంట్ లో ఎక్కడ చూసినా ఈ బ్యూటీనే కనిపిస్తోంది. ఏప్రిల్ 16న ఈ చిత్రం ప్రేక్షకుల ముందుకు రానుంది. అలానే వేణు ఉడుగుల దర్శకత్వంలో దగ్గుబాటి రానా నటిస్తున్న 'విరాటపర్వం' సినిమాలోనూ సాయి పల్లవి నటిస్తోంది. ఇటీవలే వచ్చిన 'కోలు కోలు' సాంగ్ మరియు టీజర్ లో సాయి పల్లవి మరోసారి ఫిదా చేసింది. ఈ సినిమా ఏప్రిల్ 30న రిలీజ్ కానుంది.
ఇదే క్రమంలో నేచురల్ స్టార్ నాని పక్కన 'శ్యామ్ సింగ్ రాయ్' సినిమాలో సాయిపల్లవి నటిస్తోంది. 'టాక్సీవాలా' ఫేమ్ రాహుల్ సాంకృత్యాన్ దర్శకత్వం వహిస్తున్న ఈ సినిమా ప్రస్తుతం షూటింగ్ దశలో ఉంది. ఇందులో కూడా సాయి పల్లవి రోల్ హైలైట్ గా నిలుస్తుందని తెలుస్తోంది. అలానే పవన్ కళ్యాణ్ - రానా కలిసి నటిస్తున్న మలయాళ రీమేక్ 'అయ్యప్పనుమ్ కోషియుమ్'లో కూడా సాయిపల్లవి నటిస్తోందని వార్తలు వస్తున్నాయి. ఆమె పాత్ర చిన్నదైనా సినిమాలో చాలా కీలకమైందని అంటున్నారు. ఇంకా మరికొన్ని ప్రాజెక్ట్స్ చర్చలో దశలో ఉన్నాయి. ఇలా వరుసగా క్రేజీ మూవీస్ లో నటిస్తున్న సాయి పల్లవి.. ఈ ఏడాది మొత్తం తెలుగు ప్రేక్షకులను అలరించనుంది.
యువసామ్రాట్ అక్కినేని నాగచైతన్య హీరోగా శేఖర్ కమ్ముల తెరకెక్కిస్తున్న 'లవ్ స్టోరీ' సినిమాలో సాయి పల్లవి హీరోయిన్ గా నటిస్తోంది. ఈ చిత్రం కోసం రౌడీ బేబీ స్టెప్పులు వేసిన 'సారంగ దరియా' సాంగ్ ఎంతటి హిట్ అయిందో ప్రత్యేకంగా చెప్పక్కర్లేదు. ఈ సినిమా ప్రమోషనల్ కంటెంట్ లో ఎక్కడ చూసినా ఈ బ్యూటీనే కనిపిస్తోంది. ఏప్రిల్ 16న ఈ చిత్రం ప్రేక్షకుల ముందుకు రానుంది. అలానే వేణు ఉడుగుల దర్శకత్వంలో దగ్గుబాటి రానా నటిస్తున్న 'విరాటపర్వం' సినిమాలోనూ సాయి పల్లవి నటిస్తోంది. ఇటీవలే వచ్చిన 'కోలు కోలు' సాంగ్ మరియు టీజర్ లో సాయి పల్లవి మరోసారి ఫిదా చేసింది. ఈ సినిమా ఏప్రిల్ 30న రిలీజ్ కానుంది.
ఇదే క్రమంలో నేచురల్ స్టార్ నాని పక్కన 'శ్యామ్ సింగ్ రాయ్' సినిమాలో సాయిపల్లవి నటిస్తోంది. 'టాక్సీవాలా' ఫేమ్ రాహుల్ సాంకృత్యాన్ దర్శకత్వం వహిస్తున్న ఈ సినిమా ప్రస్తుతం షూటింగ్ దశలో ఉంది. ఇందులో కూడా సాయి పల్లవి రోల్ హైలైట్ గా నిలుస్తుందని తెలుస్తోంది. అలానే పవన్ కళ్యాణ్ - రానా కలిసి నటిస్తున్న మలయాళ రీమేక్ 'అయ్యప్పనుమ్ కోషియుమ్'లో కూడా సాయిపల్లవి నటిస్తోందని వార్తలు వస్తున్నాయి. ఆమె పాత్ర చిన్నదైనా సినిమాలో చాలా కీలకమైందని అంటున్నారు. ఇంకా మరికొన్ని ప్రాజెక్ట్స్ చర్చలో దశలో ఉన్నాయి. ఇలా వరుసగా క్రేజీ మూవీస్ లో నటిస్తున్న సాయి పల్లవి.. ఈ ఏడాది మొత్తం తెలుగు ప్రేక్షకులను అలరించనుంది.