నేటి టాప్ హీరో నాటి బాల‌కుడు.. గుర్తు ప‌ట్టారా?

బాల్యం నాటి మ‌ధుర జ్ఞాప‌కాల‌ను ఫోటోల రూపంలో ప‌దిలప‌రిచిన వాటిని ఇటీవ‌ల హీరోలు త‌మ అభిమానుల‌కు షేర్ చేస్తున్న సంగ‌తి తెలిసిందే. సోష‌ల్ మీడియాల్లో ఇదో ట్రెండ్ గా మారింది. ప‌లువురు స్టార్ హీరోల హీరోయిన్ల‌ చిన్న‌నాటి ఫోటోలు ఇటీవ‌ల‌ వైర‌ల్ గా మారుతున్న సంగ‌తి తెలిసిందే. త‌మ ఫేవ‌రెట్ బాల‌కుడిగా ఇలా ఉండేవారు అంటూ అభిమానులు వాటిని చూస్తూ మురిసిపోతూ వైర‌ల్ చేస్తున్నారు.

రెండుమూడేళ్ల చిన్నారిగా ఉన్న‌ప్ప‌టి ఫోటోల్ని సోష‌ల్ మీడియా వేదిక‌ల‌పై ద‌ర్శ‌న‌మిస్తున్నాయి. ఇప్పుడు పెద్ద స్టార్ అయ్యారు ఎవ‌రో క‌నిపెడ‌తారా? అంటూ ఫ్యాన్స్ దీనిని క్విజ్ లా మార్చేశారు. ఆస‌క్తిగ‌ల వారంతా ఆ పాపాయి ఎవ‌ర‌న్న‌ది క‌నిపెట్టి స‌మాధానం ఇస్తున్నారు. గ‌త రెండు.. మూడు నెల‌లుగా సోష‌ల్ మీడియాలో ఇదో ఫ‌న్ గేమ్ లా మారింది. ఇప్పటికే స్వీటీ అనుష్క బాల్యం నాటి ఫోటో వైర‌ల్ అయింది. అంత‌కు ముందు హ‌న్సిక‌.. ఆ త‌ర్వాత అంజ‌లి.. స‌మంత తో పాటు ప‌లువురు హీరోయిన్లు.. మెగా కాంపౌండ్ హీరోల బాల్యం నాటి ఫోటోలు వైర‌ల్ అయిన సంగ‌తి తెలిసిందే.

తాజాగా మ‌రో స్టార్ హీరో బాల్యం నాటి ఫోటో వైరల్ అవుతోంది. ప‌ట్టు ప‌రికిణి జాకెట్ లో రెండు.. మూడేళ్ల వ‌య‌సున్న పాపాయిగా.. మ‌రు ఫోటోలో తెలుపు రంగు ష‌రాయి డ్రెస్సులో ఒక చిన్నారి క‌నిపిస్తున్నారు. మ‌రి ఈ చిన్నారి బాల‌కుడు ఎవ‌రో తెలిస్తే షాక్ అవ్వాల్సిందే. అత‌డు నేచుర‌ల్ స్టార్ నాని. నాని చిన్న నాటి ఫోటోనే కుడివైపు ఉన్న ఫోటో. అందులో నాని క్యూట్ లుక్ లో ఆక‌ట్టుకుంటున్నాడు. ఆ ప‌క్క‌న ఉన్న‌ది నాని సిస్ట‌ర్. ఇద్ద‌రు బాల్యంలో ఇలా క‌లిసి దిగిన ఫోటో సోష‌ల్ మీడియాలో వైర‌ల్ గా మారింది. ఈ ఫోటోని ఇంత‌కుముందు నానీ ఫ్యాన్స్ సోష్ మీడియాల్లో షేర్ చేసారు.

ప్ర‌స్తుతం నాని `ట‌క్ జ‌గ‌దీష్` లో న‌టిస్తున్నాడు. అన్ని ప‌నులు పూర్తిచేసుకున్న సినిమా రిలీజ్ కు రెడీగా ఉంది. అలాగే రాహుల్ సాంక్రిత్య‌న్ ద‌ర్శ‌క‌త్వంలో `శ్యామ్ సింఘ‌రాయ్`.. వివేక్ ఆత్రేయ ద‌ర్శ‌క‌త్వంలో `అంటే సుంద‌రానికి` సినిమాల్లో న‌టిస్తున్నాడు. ఈ రెండు చిత్రాల‌పైనా మంచి అంచ‌నాలున్నాయి. యంగ్ ట్యాలెంటెడ్ ద‌ర్శ‌కులిద్ద‌రూ తొలి సినిమాల‌తోనే ప్రూవ్ చేసుకున్నారు. ఈ నేప‌థ్యంలో నాని పిలిచి మ‌రీ అవ‌కాశం ఇచ్చారు.