ప్ర‌తి పండ‌గ న‌య‌నానంద‌క‌రం

ప్ర‌పంచ‌మంతా క్రిస్మ‌స్ సంబ‌రాల్లో మునిగి తేలుతోంది. ప్రేయ‌సీప్రియులు `మెర్రి క్రిస్మ‌స్` అంటూ జోవియ‌ల్ గా టైమ్ స్పెండ్ చేస్తున్నారు. పండ‌గొస్తే న‌వ‌త‌రంలో జోష్ పెరుగుతుందే కానీ అస్స‌లు త‌గ్గ‌డం లేదు. అదంతా స‌రే.. ప్ర‌తిసారీ క్రిస్మ‌స్ పండ‌గ అంటే ఏదైనా స్పెష‌ల్ ఉండాలి క‌దా?  న‌య‌న‌తార - విఘ్నేష్ జోడీ  సెల‌బ్రేష‌న్స్ కోసం ఎక్క‌డికి వెళ్లారు? అంటే.. ఈసారి క్రిస్మ‌స్ సంబ‌రాల కోసం ఎక్క‌డికీ వెళ్ల‌లేదు. చెన్న‌య్ లోనే ఈ జోడీ క్రిస్మ‌స్ సెల‌బ్రేష‌న్స్ జ‌రుపుకున్నార‌ని తాజాగా రివీలైన ఫోటోలు చెబుతున్నాయి. ఒక‌వేళ విదేశాల్లో ఈ సెలబ్రేష‌న్స్ ప్లాన్ చేసి ఉంటే - అందుకు చాలా ముందే హింట్ ఇవ్వ‌డం ఈ జోడీకి అల‌వాటు. కానీ ఈసారి మాత్రం కుటుంబ స‌మేతంగా ఈ ఈవెంట్‌ని సెల‌బ్రేట్ చేసుకోవ‌డం విశేషం.

``అందరికీ హ్యాపీ అండ్‌ జాయ్ ఫుల్‌ క్రిస్మస్‌ శుభాకాంక్షలు`` అంటూ  లేటెస్టుగా న‌య‌న‌తార కొన్ని ఫొటోలను సామాజిక మాధ్య‌మాల్లో షేర్‌ చేశారు. పండ‌గ‌లు- ప‌బ్బాల్ని విఘ్నేష్ తో ఎంతో జోయ్‌ ఫుల్‌ గా జ‌రుపుకోవ‌డం న‌య‌న్ కి హాబీ. ప్రేమికులు ఇద్ద‌రూ బ్లూ & బ్లూలో క్రిస్మ‌స్ సంబ‌రాల్ని జ‌రుపుకుంటున్నారు. ప్ర‌స్తుతం ఈ ఫోటోలు సామాజిక మాధ్య‌మాల్లోనూ వైర‌ల్ అవుతున్నాయి.

న‌య‌న‌తార కెరీర్ పరిశీలిస్తే.. ప్ర‌స్తుతం సౌత్ లో భారీ బ‌డ్జెట్ చిత్రాల‌న్నీ న‌య‌న్ వెంట క్యూ క‌డుతున్నాయి. ఓవైపు అజిత్ స‌ర‌స‌న `విశ్వాసం` చిత్రంలో న‌టించింది. మ‌రోవైపు మెగాస్టార్‌ చిరంజీవి క‌థానాయ‌కుడిగా న‌టిస్తున్న `సైరా- న‌ర‌సింహారెడ్డి`లో క‌థానాయిక‌గా న‌టిస్తోంది. ఇవి రెండూ 2019 మోస్ట్ అవైటెడ్ చిత్రాలుగా రిలీజ్‌ ల‌కు రెడీ అవుతున్నాయి. వీటితో పాటు న‌య‌న్ న‌టించిన లేడీ ఓరియెంటెడ్ చిత్రాలు రిలీజ్ ల‌కు రెడీ అవుతున్న సంగ‌తి తెలిసిందే.