ఫోటో స్టోరి: చూస్తే అలా అనిపించట్లే!!

మలయాళీ బ్యూటీ నయనతార.. ఇప్పుడు బాగా బిజీ. అన్ని భాషల సినీ పరిశ్రమల్లోనూ నయన్ కి బోలెడంత క్రేజ్ ఉంది. ముఖ్యంగా కోలీవుడ్ అయితే.. నయనతార కనిపిస్తే చాలు.. ఇండస్ట్రీకి పరుగులు తీసేస్తున్నారు తమిళ జనాలు. ఒక్కటి కూడా మిస్ కాకుండా వరుసగా బ్లాక్ బస్టర్స్ కొట్టేస్తున్న బ్యూటీ నయన్ పై తమిళ ప్రేక్షకులు ఆరాధన కురిపించేస్తున్నారు. దీంతో వరుసగా సినిమాలు చేసేస్తున్న నయన తార.. కేరక్టర్ కి తగినట్లుగా యాక్టింగ్ చేయడంలో తప్ప కనీసం గెటప్ లపై కూడా దృష్టి పెట్టడం లేదనే టాక్ వినిపిస్తోంది.

ప్రస్తుతం కార్తితో కలిసి కాష్మోరా మూవీలో నటిస్తోంది నయన్. రత్నమహాదేవిగా ఈమె లుక్ ని రీసెంట్ గా కాష్మోరా యూనిట్ విడుదల చేసింది. ఓ సింహాసనం మీద కూర్చుని ధీమాగా పోజ్ ఇచ్చిన నయనతార ఈ పోస్టర్ లో కనిపిస్తుంది. రాణి గారి సీట్లో కూర్చున్న మోడల్ లా ఉంది తప్ప.. ఏ కోశానా రాణి అనిపించడం మాత్రం కష్టం. కాసిన్ని నగలు ఎక్కువగా తగిలించడం.. పట్టు చీర కట్టును డిఫరెంట్ గా ట్రై చేయడం తప్ప.. ఈ రాణి పాత్ర కోసం లుక్ లో వేరియేషన్ ఏ మాత్రం లేదు.

నయనతార యాక్టింగ్ స్కిల్స్ పై ఎలాంటి అనుమానాలు లేకపోయినా.. కనీసం గెటప్ కూడా కంప్లీట్ గా స్టడీ చేయడం లేదనే విమర్శలకు ఈ పోస్టర్ బలం ఇస్తోంది. అంతేలెండి.. మంది ఎక్కువైతే మజ్జిగ పలచన అవుతుంది. సినిమాలు ఎక్కువైతే ఇలా కమిట్మెంట్ తగ్గిపోతుంది.

Like Us on Facebook : https://www.facebook.com/Tupakidotcom/