అఖిల్ టైటిల్ పై అప్పుడే పంచ్ లు

అక్కినేని అఖిల్ మొదటి సినిమా అఖిల్.. 2015 నవంబర్ నెలలో దీపావళి కానుకగా విడుదలైంది. ఇప్పటికి దాదాపు ఏడాదిన్నర గడిచిపోయినా.. ఇంకా ఈ కుర్రాడి కొత్త సినిమా మొదలుకాలేదు. విక్రమ్ కె కుమార్ దర్శకత్వంలో అఖిల్ రెండో సినిమా ఉండనుందనే విషయం కన్ఫాం అయినా.. కనీసం ఇంకా పూజా కార్యక్రమాలు కూడా జరగలేదు.

సినిమా షూటింగ్ లాంఛనంగా లాంఛ్ కాకముందే.. ఈ మూవీ టైటిల్ విషయంలో అభిమానుల నుంచి నెటిజన్ల నుంచి తీవ్ర విమర్శలు వస్తున్నాయి. అఖిల్ తో తీయనున్న మూవీకి.. "జున్ను" అనే టైటిల్ ని ఫిక్స్ చేయాలని గట్టిగా పట్టు బడుతున్నాడు దర్శకుడు. ఈ విషయంలో కాసిన్ని అనుమాలు వ్యక్తం చేసిన అక్కినేని అండ్ టీం.. టైటిల్ అనౌన్స్ చేయకుండా.. జనాల్లోకి ఓ ఫీలర్ ను మాత్రం వదిలారు. అక్కినేని ఫ్యామిలీ ఎక్స్ పెక్ట్ చేసినట్లుగానే.. ఈ టైటిల్ పై ఆన్ లైన్ లో తెగ ట్రాలింగ్ జరిగిపోతోంది.

జున్ను- మన్ను.. జున్ను- పెరుగు అంటూ పిచ్చపిచ్చగా కామెడీ చేసేస్తున్నారు నెట్ జనాలు. ఈ టైటిల్ మార్చండి మహాప్రభో అంటూ.. వేలకొద్దీ ట్వీట్స్ పెడుతున్నారు అభిమానులు. దీంతో ఈ టైటిల్ విషయంలో తమ అసంతృప్తిని దర్శకుడికి తెలియచెప్పిన అక్కినేని అండ్ టీం.. మరో మంచి టైటిల్ ను చూడాల్సిందిగా చెప్పారట.

Like Us on Facebook : https://www.facebook.com/Tupakidotcom/