మెగా ఫ్యామిలీ నుంచి వచ్చిన హీరోలు ప్రస్తుతం ఎవరి స్టైల్ లో వారు సినిమాలను చేస్తోన్న సంగతి తెలిసిందే. అయితే మొదటి సారి ఆ ఫ్యామిలీ నుంచి ఒక హీరోయిన్ వచ్చి అందరిని ఆకట్టుకోవడానికి ప్రయత్నిస్తోంది. ఆమె ఎవరో ఇప్పటికే అర్ధమై ఉంటుంది. నాగబాబు కుమార్తె నిహారిక కొణిదెల ఒక మనసు సినిమాతో తెలుగులో వెండితెరకు పరిచయం అయ్యింది. ఇక వెబ్ సిరీస్ రియాలిటీ షోలలో కూడా ప్రత్యేక ఆకర్షణగా నిలిచారు.
అయితే ఇప్పుడు కోలీవుడ్ లో కూడా ఈ మెగా డాటర్ మొదటి సినిమాను చేస్తోంది. ఒరు నల్ల నాల్ పాతు సోల్రేం అనే సినిమా షూటింగ్ రీసెంట్ గా పూర్తయ్యింది. ఇక సినిమా యూనిట్ ప్రస్తుతం ప్రమోషన్స్ పనుల్లో బిజీ అయ్యింది. సినిమా ఆడియోను రిలీజ్ వేడుకను ఏకంగా మలేషియాలో ప్లాన్ చేశారు. శనివారం అక్కడ తమిళ్ సినిమా ప్రొడ్యూసర్ల కమిటీ నడిఘర్ సంఘం నైట్ ఇన్ మలేషియా అనే ప్రోగ్రాం జరపనుంది.
దీంతో ఒరు నల్ల నాల్ పాతు సోల్రేం ఆడియో రిలీజ్ ను కూడా అక్కడే రిలీజ్ చేయాలనీ చిత్ర యూనిట్ స్పెషల్ ప్లాన్ వేసుకుంది. ఇక సినిమాలో నిహారిక తో పాటు విజయ్ సేతుపతి గౌతమ్ కార్తీక్ నటిస్తున్నారు. అడ్వెంచర్ కామెడీ డ్రామాగా తెరకెక్కిన ఈ సినిమాకు అరుముగ కుమార్ దర్శకత్వం వహించారు. ఫైనల్ గా సినిమాను జనవరి ఎండింగ్ లో రిలీజ్ చేసేందుకు నిర్మాతలు సన్నాహకాలు చేస్తున్నారని సమాచారం.