ఆ హీరో.. మీడియాకు పార్టీ ఎందుకిస్తున్నట్టు?

డిఫరెంట్ సబ్జెక్టులతో.. వరుస విజయాలతో.. టాలీవుడ్ లో దూసుకుపోతున్న యువ హీరో.. నిఖిల్. ఎక్కడి పోతావు చిన్నవాడా అంటూ.. ఇండస్ట్రీ దృష్టిని తనవైపు తిప్పుకున్నాడీ హీరో. పెద్ద నోట్ల రద్దు సమయంలో విడుదలైనా కూడా.. కనీసం 20 కోట్లకు తక్కువ కాకుండా.. ఆ సినిమా కలెక్షన్లు చేయడం.. ఆ తర్వాత.. శాటిలైట్ల రూపంలో మరో 5 కోట్ల రూపాయలు వసూలు చేసినట్టు వార్తలు రావడం.. ఈ హీరోను ఇప్పుడు ఆనందంలో ముంచెత్తుతోందట.
 
పైగా.. అమెరికాలో కూడా నిఖిల్ మార్కెట్ ను ఈ సినిమా పెంచేసింది. తన కెరీర్ లోనే అత్యధిక ఫారిన్ కలెక్షన్లు కూడా వచ్చేలా చేసింది. అందుకే.. సినిమా సక్సెస్ కు కారణమైన మీడియాతో కూడా తన ఆనందాన్ని పంచుకోవాలని నిఖిల్ భావిస్తున్నాడట. త్వరలోనే.. తనకు సన్నిహితులైన మీడియా పర్సన్స్ తో పాటు.. అన్ని మీడియా సంస్థలకు చెందిన ప్రతినిధులకు అదిరిపోయే పార్టీ ఇచ్చేందుకు ప్రిపేర్ అవుతున్నాడట.

సక్సెస్ మూడ్ లో ఉన్న నిఖిల్.. మరిన్ని మంచి విజయాలు అందుకోవాలని మనమూ ఆల్ ద బెస్ట్ చెబుదాం.

Like Us on Facebook : https://www.facebook.com/Tupakidotcom/