లేడీ ఎమెల్యేతో నిఖిల్

అల్లు అర్జున్ సరైనోడు సినిమాలో గ్లామరస్ ఎమెల్యేగా అలరించిన క్యాథరిన్ త్రెస్సాకు అందం - టాలెంట్ అన్ని ఉన్నా టైం కూడా అంతగా కలిసిరాక అవకాశాలు మెల్లగా వరిస్తున్నాయి. గత ఏడాది నేనే రాజు నేనే మంత్రి ఘన విజయం సాధించినా అందులో మెయిన్ హీరొయిన్ కాజల్ పేరు మొత్తం తీసేసుకుంది. అయినా కూడా క్యాథరిన్ కు మంచి మార్కులే పడ్డాయి. ఆ తర్వాత జయజానకి నాయకలో చేసిన ఐటెం సాంగ్ వరకు తను చేయాల్సింది చేసేసి సూపర్ అనిపించుకుంది. ప్రస్తుతం నిఖిల్ హీరోగా చేయబోయే కొత్త సినిమాలో ఆఫర్ కొట్టేసినట్టు టాక్. రెండేళ్ళ క్రితం తమిళ్ లో అధర్వా హీరోగా సంతోష్ దర్శకత్వంలో వచ్చిన థ్రిల్లర్ మూవీ కనితన్ రీమేక్ గా ఇది రూపొందనున్నట్టు టాక్. ఇంకా అధికారిక ప్రకటన రాలేదు.

తమిళ్ లో ఘన విజయం సాధించిన ఈ సినిమాను లాస్ట్ ఇయర్ కన్నడలో అతిరధ పేరుతో రీమేక్ చేసారు. ఇప్పుడు ఈ సబ్జెక్టు మీద నిఖిల్ మనసు పడినట్టు తెలిసింది. తమిళ్ వెర్షన్ లో హీరొయిన్ గా నటించిన క్యాథరిన్ నే తెలుగులో కూడా తీసుకోవాలనుకుని తనను సంప్రదించినట్టు టాక్. కనితన్ అంటే లెక్కలు తెలిసిన వాడు. ఇంగ్లీష్ లో చెప్పాలంటే మ్యాథమెటీషియన్. చిక్కు ముళ్ళను తన తెలివితో పరిష్కరించే హీరో పాత్ర నిఖిల్ కు బాగా సూట్ అవుతుందని ఇది సెట్ చేసుకుంటున్నట్టు టాక్.

నిఖిల్ ఈ మధ్య రీమేకుల మీద మనసు పారేసుకుంటున్నాడు. త్వరలో విడుదల కానున్న కిరాక్ పార్టీ కూడా కన్నడ బ్లాక్ బస్టర్ కిరిక్ పార్టీ రీమేక్ అన్న సంగతి విదితమే ఇప్పుడు కనితన్ కూడా చేసేస్తే వరసగా రెండో రీమేక్ అవుతుంది. ఒరిజినల్ అయినా రిమేక్ అయినా కథ నచ్చితే చాలు చేసేస్తాను అంటున్న నిఖిల్ పక్కన ఛాన్స్ దొరకటం అంటే క్యాథరిన్ టైం కలిసి వచ్చినట్టే.