​నిన్ను కోరి.. ఇటీజ్ పార్టీ టైమ్

నాని ‘నిన్ను కోరి’ సినిమాతో మరోసారి మంచి హిట్టే కొట్టేశాలా ఉన్నాడు. సాధారణంగా నాని సినిమాలు అన్నీ వర్గాల ప్రేక్షకులుకు నచ్చేలా ఉంటాయి. దీనికి ముందు వచ్చే ‘నేను లోకల్’ సినిమాలో కూడా ఒక కామన్ కాలేజీ కుర్రాడులా కనిపించి అందరిని అలరించాడు. ఇప్పుడు కూడా ప్రతి ప్రేమికుడునూ తలపించేలా  ప్రేమలో జరిగిన విషాదాన్ని ఈ సినిమాతో బాగానే ఆవిష్కరించాడు. ఇక రేటింగులూ గట్రా యావరేజ్ గా వచ్చినా.. డబ్బుల వసూళ్ళ విషయంలో మాత్రం ఈ సినిమాకు పెద్దగా కష్టాలేవీ లేవు అనేది ట్రేడ్ పండితుల ఉవాచ.

ఒక సినిమా కోసం టీమ్ అంతా కొన్ని నెలలు పాటు రాత్రి పగలు ఒకే చోట పని చేసి ఒకే ఫ్యామిలీలా ఉంటారు. అలా కొన్ని నెలలు పని చేసిన దానికి మంచి ఫలితం వస్తే వాళ్ళకి ఇంకా ఏమి కావాలి చెప్పండి. అందుకే ఇక్కడ 'నిన్ను కోరి' సినిమా విజయాన్ని ఆ టీమ్ తో కలిసి హీరో నాని ఇంకో హీరో ఆది - రైటర్ కోన వెంకట్ - డైరెక్టర్ శివ ఇంకా మిగిలినవారు ఇప్పుడు పార్టీ చేసుకుంటున్నారు. అక్కడ ఉన్నవారంతా ఒకే గ్రూప్ అని అనుకోవాలని కాబోలు టీమ్ అంతా తలకు పార్టీ బఫెలో అని ప్రింట్ చేసిన ఒక ఫన్నీ కాగితపు టోపీ పెట్టుకొని కనిపించారు. అక్కడ వాళ్ళను చూస్తుంటేనే తెలుస్తుంది కదా వాళ్ళ విజయానందం. వచ్చిన విజయాన్ని పంచుకుంటూ చిన్న వీడ్కోలు పార్టీ లాగా చేసుకున్నారటలే.

శివ నిర్వాణ రాసిన కథను కోన వెంకట్ చేసిన స్క్రీన్ ప్లే ఇచ్చాడు. నాని - నివేథ థామస్ - ఆది పనిశెట్టి వాళ్ళ ప్రేమను ఎలా పంచుకున్నారు ఎవరు ప్రేమ ఎవరు ఎలా వదులుకున్నారు ఎవరు అందుకున్నారు అనేది సినిమా. అది సంగతి.