చల్ పుకార్లకు చెక్ పెట్టిన రంగ

చల్ మోహనరంగ బాక్స్ ఆఫీస్ వద్ద స్టడీగానే ఉంది. కామెడీని యూత్ తో పాటు ఫ్యామిలీస్ కూడా ఎంజాయ్ చేస్తుండటంతో వసూళ్లు పర్వాలేదు అనిపిస్తున్నాయి. ఇకపోతే సినిమా మేకింగ్ లో డైలాగ్స్ లో త్రివిక్రమ్ ప్రభావం ఉందనే కామెంట్స్ వినిపించిన నేపద్యంలో హీరో నితిన్ స్పందించాడు. కథను అందించడంతో పాటు నిర్మాతగా వ్యవహరించడం వరకే త్రివిక్రమ్ సహకారం అందించారని మొత్తం క్రియేటివిటీ పార్ట్ అంతా తన దర్శకుడు కృష్ణ చైతన్య చూసుకున్నాడని క్లారిటీ ఇచ్చాడు. మంచి టైమింగ్ తో కృష్ణ చైతన్య డైలాగ్స్ రాసాడు కాని సహజంగానే పోలిక వస్తుందని అంత మాత్రాన ఇది త్రివిక్రమ్ రాసారనే గాసిప్ ప్రచారం కావడం పట్ల నితిన్ విచారం వ్యక్తం చేసాడు.

నితిన్ చెప్పాడని కాదు కాని ఏదైనా దర్శకుడి స్ఫూర్తినో లేకపోతే ప్రభావమో ఉండటం యువ దర్శకుల్లో సాధారణం. శివ తర్వాత వర్మ మేకింగ్ స్టైల్ ని ఒడిసిపట్టుకుని పూరి లాంటి దర్శకులు గొప్ప హిట్స్ సాధించారు. దాసరి గారి అడుగుజాడల్లో నడిచిన దర్శకులు ఎందరో ఉన్నత శిఖరాలు చేరుకున్నారు.  విప్లవ సినిమాల దర్శకుడు ఆర్ నారాయణమూర్తి బాటలో అదే పంధాలో అగ్ర దర్శకులు కూడా సినిమాలు తీసారు. అంత మాత్రాన వాటిని పోల్చుకుని ఎవరో రాసారు అంటూ విశ్లేషణ చేయటం కరెక్ట్ కాదు. అందుకే నితిన్ దీని గురించి పూర్తి స్పష్టత ఇచ్చే ప్రయత్నం చేసాడు. నిజానికి చల్ మోహనరంగా స్టార్ అయ్యే సమయానికి అజ్ఞాతవాసి స్క్రిప్ట్ ప్లస్ షూటింగ్ ప్లాన్ లో బిజీ ఉన్న త్రివిక్రమ్ అది పూర్తి కాకముందే జూనియర్ ఎన్టీఆర్ కథను సెట్ చేసుకునే పనిలో ఉన్నాడు. అలాంటప్పుడు చల్ మోహనరంగా విషయంలో ఇన్వాల్వ్ అయ్యేంత టైం లేదు. సో ఇవి ఊహాగానాలే తప్ప వాస్తవం నితిన్ ద్వారానే తెలిసిపోయిందిగా.