హీరో నమ్మకాన్ని నిలబెట్టుకున్నాడు!

సహజంగా హీరోకి ఓ ఫ్లాప్ వస్తేనే నెక్స్ట్ అప్ కమింగ్ డైరెక్టర్ కి అవకాశం ఇవ్వడానికి ఆలోచిస్తాడు. అలాంటిది మూడు ఫ్లాపులున్నప్పటికీ వెంకీ కుడుముల చెప్పిన కథను అతని వర్క్ ని నమ్మి 'భీష్మ' సినిమా చేసాడు. అసలే దర్శకుడికి రెండో సినిమా అనే బ్యాడ్ సెంటిమెంట్ ఓ వైపు - ఎలాగైనా హిట్ కొట్టాలన్న కసి మరో వైపు. ఇక మిగతావి ఏం పట్టించుకోకుండా వెంకీ ని గుడిగా నమ్మేసాడు నితిన్.

ఇక ఛలో లాంటి సూపర్ హిట్ కొట్టాడు కాబట్టి ఆ మాత్రం కాన్ఫిడెన్స్ ఉంటుంది కానీ పక్కగా హిట్ ఇవ్వగలడా అని ఎప్పుడూ సందేహ పడకుండా దర్శకుడికి అన్నిటిలో పూర్తి స్వేఛ్చ నిచ్చి సినిమా చేసాడు నితిన్. కొన్ని సార్లు అన్నీ కలిసోచ్చినట్టు భీష్మ కి కంటెంట్ తో పాటు టైం కూడా కలిసొచ్చి సూపర్ హిట్ టాక్ అందుకుంది.

నిజానికి నితిన్ కంటే వెంకీ కే ఈ సినిమా విజయం ముఖ్యం. రెండో సినిమా పైగా ఓ వైపు నాగ శౌర్య తన టాలెంట్ గురించి బ్యాడ్ గా చెప్తూ మీడియాలో ఇంటర్వ్యూలు ఇవ్వడం వెంకీ కి విజయం అనేది కీలకం గా మారింది. ఎవరెన్ని చెప్పినా తన టాలెంట్ తో ఫైనల్ రెండో సినిమా గండం కూడా దాటేసి హీరో పెట్టుకున్న నమ్మకాన్ని నిలబెట్టుకొని   మరో సూపర్ హిట్ ను తన ఖాతాలో వేసుకున్నాడు. ఛలో తర్వాత ఓ నాలుగు అడ్వాన్సులు అందుకున్న వెంకీ ప్రస్తుతం ఆ కమిట్ మెంట్స్ పై ఫోకస్ పెట్టాడు. త్వరలోనే మైత్రి మూవీ మేకర్స్ బ్యానర్ లో సినిమా చేయడానికి రెడీ అవుతున్నాడు. ఆ తర్వాత యూ.వి బ్యానర్ లో ఓ సినిమా 'యువ సుధా' లో సినిమా చేయబోతున్నాడు. సో రెండు హిట్స్ పడ్డాయి కాబట్టి ఇంకా మరిన్ని అడ్వాన్స్ లు వచ్చే అవకాశం ఉంది.