ఓహో... నితిన్ పాత‌బ‌స్తీ కుర్రాడా?

నితిన్ త‌న కొత్త సినిమాలో ఓ కొత్త యాంగిల్‌ ని చెపెట్ట‌బోతున్నాడు. పాత‌బ‌స్తీ కుర్రాడిగా ఆయ‌న తెర‌పై సంద‌డి చేయ‌బోతున్నాడు. హ‌ను రాఘ‌వ‌పూడి ద‌ర్శ‌క‌త్వంలో తెర‌కెక్కుతున్న ఆ చిత్ర క‌థ ఎక్కువ‌భాగం అమెరికా నేప‌థ్యంలోనే సాగుతుంది, కానీ నితిన్ మాత్రం పాత‌బ‌స్తీ ప్రేమికుడిగా క‌నిపించ‌బోతున్నాడు. పాత‌బ‌స్తీతో అమెరికాకి లింకు కుదిరింద‌న్న‌మాట‌. మ‌రి ఆ లింకేంట‌న్న‌ది తెర‌పైనే చూడాలి. ఇందులో యాక్ష‌న్ కింగ్ అర్జున్ విల‌న్‌ గా న‌టిస్తున్న విష‌యం తెలిసిందే.  త‌మిళ ముద్దుగుమ్మ మేఘ ఆకాష్ క‌థానాయిక‌గా న‌టిస్తోంది.

నితిన్‌ కి `అఆ` రూపంలో తిరుగులేని విజ‌యం ల‌భించింది. ఆ విజ‌యాన్ని నిల‌బెట్టుకోవాల‌ని ఆచితూచి క‌థ‌లు ఎంపిక చేసుకొన్నాడు. అందులో భాగంగా హ‌ను రాఘ‌వ‌పూడి క‌థ‌కి ఓకే చెప్పేశాడు. ఆ త‌ర్వాత లిరిసిస్ట్ కృష్ణ‌చైత‌న్య ద‌ర్శ‌క‌త్వంలోనూ ఓ సినిమా చేయ‌బోతున్నాడు. నిజానికి నితిన్ ప్ర‌స్తుతం చేస్తున్న క‌థ‌ని మొద‌ట హ‌ను రాఘ‌వ‌పూడి ఎన్టీఆర్‌ కి వినిపించార‌ని ప్ర‌చారం సాగింది. ఆయ‌న త‌న ఇమేజ్‌ కి త‌గ్గ‌ట్టుగా లేద‌ని చెప్ప‌డంతో అదే క‌థ‌ని నితిన్‌ ని వినిపించి ఓకే చెప్పించార‌ని ఫిల్మ్‌న‌గ‌ర్‌ లో మాట్లాడుకొన్నారు. కానీ  చిత్ర‌బృందం మాత్రం ఇది వేరే క‌థ అని చెబుతోంది. క‌థేదైనేం కానీ చిత్రవ‌ర్గాలు మాత్రం చాలా కాన్ఫిడెంట్‌ గా ఉన్నాయి. అర్జున్ అయితే ఏకంగా జెంటిల్‌ మ‌న్‌ - ఒకే ఒక్క‌డు స్థాయి పాత్ర‌ని ఇందులో పోషిస్తున్నా అని చెబుతున్నాడు. దీన్నిబ‌ట్టే ఆ క‌థ‌లో ఎంత ప‌వ‌ర్ ఉందో ఊహించొచ్చు.

Like Us on Facebook : https://www.facebook.com/Tupakidotcom/