నితిన్ 'నా పేరు సూర్య' కు కొబ్బరి కాయ కొట్టేది ఎప్పుడంటే..!

యంగ్ హీరో నితిన్ ఈ కరోనా టైమ్‌ లోనే రెండు సినిమాలతో ప్రేక్షకుల ముందుకు వచ్చాడు. చాలా మంది హీరోలు 2020.. 2021 సంవత్సరాల్లో కనీసం ఒక్క సినిమాను కూడా విడుదల చేయలేక పోయారు. కాని నితిన్ మాత్రం ఇప్పటికే మూడు సినిమాలు విడుదల చేశాడు. మేస్ట్రో సినిమా తో అతి త్వరలోనే ప్రేక్షకుల ముందుకు రాబోతున్నాడు. అంటే ఈ రెండేళ్లలో ఆయన నాలుగు సినిమాలు అన్నమాట. నితిన్‌ జోరు అంతటితో ఆగలేదు. మరింతగా దూసుకు పోతున్నాడు. మేస్ట్రో విడుదలకు సిద్దం అవుతున్న నేపథ్యంలో తదుపరి సినిమా ను పట్టాలెక్కించేందుకు సిద్దం అయ్యాడు.

ఇప్పటికే ఈయన పవర్‌ పేట సినిమాను చేయాల్సి ఉన్నా కూడా అది ఇప్పట్లో పట్టాలెక్కే దాఖలాలు కనిపించడం లేదు. పస్తుత పరిస్థితుల్లో ఆ భారీ బడ్జెట్‌ సినిమా చేయడం కంటే చిన్న బడ్జెట్‌ సినిమాలను స్పీడ్ గా చేయడం ఉత్తమం అనే నిర్ణయానికి ఆయన వచ్చినట్లుగా తెలుస్తోంది. అందుకే నితిన్ వక్కంతం వంశీ దర్శకత్వంలో ఒక సినిమాను చేసేందుకు ఓకే చెప్పాడు. రచయితగా సక్సెస్‌ దక్కించుకున్న వంశీ దర్శకుడిగా మాత్రం నా పేరు సూర్య సినిమాతో నిరాశ పర్చాడు.

అల్లు అర్జున్‌ తో భారీ అంచనాల నడుమ రూపొందిన నా పేరు సూర్య సినిమా ప్లాప్‌ అయ్యింది. దాంతో ఆయన దర్శకత్వంలో సినిమా అంటే హీరోలు కాస్త వెనుక ముందు ఆడారు. చివరకు నితిన్ ఆయన కు ఓకే చెప్పాడు. ఆ సినిమా షూటింగ్‌ కు సంబందించిన ఏర్పాట్లు జరుగుతున్నాయి. ఇప్పటికే స్క్రిప్ట్‌ వర్క్‌ పూర్తి అయ్యింది. ప్రీ ప్రొడక్షన్‌ వర్క్‌ కూడా దాదాపుగా పూర్తి అయ్యాయి. ఆగస్టులో సినిమాను పట్టాలెక్కించడమే ఆలస్యంగా చెబుతున్నారు. నితిన్‌ ఈ సినిమాను కూడా చాలా స్పీడ్‌ గా ముగించేయాలనే పట్టుదలతో ఉన్నట్లుగా తెలుస్తోంది. వచ్చే ఏడాది ఆరంభంలోనే ఈ సినిమా విడుదల చేస్తాడేమో చూడాలి.