మ‌జ్ను కోసం సాయిధ‌ర‌మ్, నితిన్‌

16 వ‌య‌సు నుంచి 30లోపు య‌వ్వ‌నంలో ఎలాంటి స‌రిగ‌మ‌లు ఉంటాయి. యువ‌కుల ఆలోచ‌న‌లు ఎలా ప‌రిభ్ర‌మిస్తుంటాయి. ఎలాంటి స్నేహాలు ఉంటాయి? ఎలాంటి ప్రేమ‌లు పుట్టుకొస్తాయి?.. ఇవ‌న్నీ చూడాలంటే నాగ‌చైత‌న్య హీరోగా న‌టిస్తున్న మ‌జ్ను మూవీ చూడాల్సిందే. ఈ సినిమా డిసెంబ‌ర్‌లో సెట్స్‌ కెళ్ల‌నుంది. కార్తికేయ ఫేం చందు మొండేటి ద‌ర్శ‌క‌త్వం వ‌హిస్తున్నారు. మ‌ల‌యాళంలో బ్లాక్‌ బ‌స్ట‌ర్ హిట్ కొట్టిన ప్రేమ‌మ్ చిత్రానికి రీమేక్ ఇద‌న్న సంగ‌తి తెలిసిందే.

ఇప్ప‌టికీ ఈ సినిమాకి సంబంధించిన కాస్టింగ్ సెల‌క్ష‌న్ ఓ డిబేట్‌ గా మారింది. మ‌ల‌యాళ ముద్దుగుమ్మ అనుప‌మ ప‌ర‌మేశ్వ‌ర‌న్‌ - శ్రుతిహాస‌న్ క‌థానాయిక‌లుగా న‌టిస్తున్నారు.మ‌రో క‌థానాయిక‌ను ఎంపిక చేయాల్సి ఉందింకా. వీళ్ల‌తో పాటు చైత‌న్య అంకుల్ విక్ట‌రీ వెంక‌టేష్ ఈ చిత్రంలో ఓ అతిధి పాత్ర‌లో ద‌ర్శ‌న‌మీయ‌నున్నారు. కింగ్ నాగార్జున కూడా ఓ బిట్‌ లో క‌నిపిస్తారు. అంతేనా మ‌రో కీల‌క పాత్ర‌లో న‌టింప‌జేసేందుకు ఒక కుర్ర హీరో కోసం చూస్తున్నారన్న సంగతి కూడా తెలిసిందే.

అయితే ముందు అనుకున్నట్లు నితిన్‌ ను ఇంకా ఈ పాత్రకు ఫైనల్‌ చేయలేదట. ఎందుకంటే నితిన్‌ ఇంకా ఎస్‌ చెప్పలేదు మరి. అందుకే సాయిధరమ్‌ ను కూడా ఈ పాత్ర కోసం సంప్రదించినట్లు తెలుస్తోంది. అయితే ఈ క్యారెక్ట‌ర్ చాలా ఇంపార్టెంట్. క‌థ‌లో హీరోయిన్ ఫ్రెండుగా ఎంట‌ర‌య్యే ఈ రోల్‌ తో ఏకంగా ల‌వ్‌ స్టోరీనే మారిపోతుంది. అంత ప్ర‌యారిటీ ఉంది కాబ‌ట్టి ఈ రోల్ నితిన్ కానీ - సాయిధ‌ర‌మ్ గానీ చేస్తే కిక్కొస్తుంద‌ని మేక‌ర్స్ భావిస్తున్నారుట‌.  వెయిట్ అండ్ సీ ఈ ఇద్ద‌రిలో ఎవ‌రు ఓకే చెబుతారో?