ఫోటో స్టోరి: ముక్తాంబ.. పోటీయే

రుద్రమదేవి సినిమాలో నటించిన క్యారక్టర్ల ను ఒకటి ఒకటిగా బయటకు వదులుతున్నాడు గుణశేఖర్‌. గతంలో బాహుబలి సినిమా నుండి ఎలాగైతే రాజమౌళి క్యారెక్టర్ల ను పరిచయం చేశాడో.. ఇప్పుడు సేమ్‌ టు సేమ్‌ అలాగే గుణ కూడా తన నటీనటలును ఇంట్రొడ్యూస్‌ చేస్తున్నాడు. కాకపోతే ఈ పాత్రలన్నీ ఆల్రెడీ మనకు తెలుసు అనుకోండి..

ఇకపోతే ఈ సినిమాలో నిత్యామీనన్‌ ఒక ముఖ్య భూమిక పోషిస్తోంది. అమ్మడు ముమ్మిడాంబ అనే క్యారెక్టర్‌ చేస్తున్నట్లు టాకొచ్చింది కాని, ఈమె పాత్ర పేరు ముక్తాంబ అని ప్రకటించాడు గుణశేఖర్‌. ఇకపోతే అమ్మడు రాణి అనుష్క, అలాగే యువరాణి అనామిక గా చేస్తున్న కేతరీన్‌ థ్రెసాలతో కలసి ఒక సాంగ్‌ కూడా చేసింది. అదే లుక్‌ లో ఇలా అంతఃపురం చిలుక అన్నట్లు హల్‌ చల్‌ చేస్తోంది నిత్యా మీనన్‌. అసలు మ్యాటర్‌ ఏంటంటే.. ఈమె క్యారెక్టర్లో నెగెటివ్‌ షేడ్స్‌ ఉన్నాయట. అవి అచ్చం బాహుబలి సినిమాలోని శివగామి చేసినంత పవర్‌ ఫుల్‌ గా ఉంటాయట. అంటే.. రమ్యకృష్ణ తో నిత్యామీనన్‌ పోటీ పడుతుందనమాట.

ఇవన్నీ సరేనయ్యా.. గుణశేఖరూ రిలీజ్‌ డేట్‌ ఎప్పుడు నాయనా??