ఫోటో స్టోరీ: దొండపండ్లు సార్.. దొండపండ్లు!

చెన్నై బ్యూటీ నివేద పేతురాజ్ పేరు దాదాపుగా అందరూ తెలుగు ప్రేక్షకులకు తెలిసే ఉంటుంది. 'మెంటల్ మదిలో'.. ' చిత్రలహరి'.. 'అల వైకుంఠపురములో'.. లాంటి సినిమాలలో కీలక పాత్రలు పోషించి మంచి గుర్తింపే సాధించింది.  ఇక సోషల్ మీడియాలో కూడా గ్లామర్ సాధన చేస్తూ ఈతరం భామ అనిపించుకుంటోంది.  నివేదకు ఇన్స్టాలో 2 మిలియన్ల  ఫాలోయర్లు నిత్యం ఫాలో ఫాలో అంటుంటారు.

నివేద స్వయంగా పోస్ట్ చేసే ఫోటోలతో పాటుగా కొన్ని ఇతర ఫోటోలు ఫ్యాన్స్ గ్రూప్స్ లో హల్చల్ చేస్తుంటాయి. అలాంటిదే మీరు పైన చూస్తున్న ఫోటో.  క్రీమ్ కలర్ ప్యాంట్ ధరించి గ్రే  కలర్ వస్త్రాన్ని తన చుట్టూ ఓ టాప్ లాగా కప్పుకుంది.  దొండపండు లాంటి రంగులో ఉన్న లిప్ స్టిక్ వేసుకోవడంతో లిప్పులు దొండపండ్ల తరహాలోనే ఉన్నాయి. హెయిర్ స్టైల్.. మేకప్ అంతా చక్కగా కుదిరింది.  నివేద ను చూస్తుంటే సౌత్ భామలాగా కాకుండా ముంబై నుంచి దిగుమతి అయిన నార్త్ భామలాగా కనిపిస్తోంది.  కూర్చున్న పోజు కూడా గ్లామర్ ను మరింతగా పెంచింది.

నిజానికి 'అల వైకుంఠపురములో' నివేదకు పెద్దగా స్కోప్ దక్కలేదు కానీ ఒకవేళ అంత ప్రాముఖ్యత ఇచ్చి ఉంటే 'నీ లిప్సును చూస్తుంటే ఆగనన్నవి చూడే నా కళ్ళు' అంటూ సుశాంత్ కు  ప్యారిస్ లొకేషన్ లో ఒక పాట పెట్టాల్సి  వచ్చేది. ఇక నివేద ఫ్యూచర్ ప్రాజెక్టుల విషయానికి వస్తే తెలుగులో రామ్ హీరోగా నటిస్తున్న 'రెడ్' లో  నటిస్తోంది.  తమిళంలో ' పార్టీ'.. 'జగజల కిల్లాడి'  అనే సినిమాల్లో నటిస్తోంది.