తెలుగు తెరపై పొడగరి కథానాయికలలో నివేదా పేతురాజ్ ఒకరుగా కనిపిస్తుంది. మంచి హైటూ .. అందుకు తగిన పర్సనాలిటీతో పడగొట్టేస్తుంది. హైటు వలన ఈ పిల్ల ఇటు మోడ్రన్ డ్రెస్ లో ఎంత అందంగా ఉంటుందో .. అటు చీరకట్టులోనూ అంతే ఆకర్షణీయంగా ఉంటుంది. సాధారణంగా మీడియం హైటున్న హీరోయిన్లకు మాత్రమే ఎక్కువగా అవకాశాలు వస్తాయి. అంతకుమించి ఉంటే, పొడగరి కథానాయకులతోనే జట్టు కట్టాలి. అందువల్లనే కాస్త హైటున్న హీరోయిన్లకు అవకాశాలు తక్కువగానే వస్తుంటాయి. అలా తనకి వచ్చిన అవకాశాలను నివేదా పేతురాజ్ సద్వినియోగం చేసుకుంటూ వెళుతోంది.
'మెంటల్ మదిలో' సినిమా ద్వారా పరిచయమైన ఈ పిల్లను చూసినవాళ్లు, 'పూల రెక్కలు .. కొన్నీ తేనె చుక్కలు .. రంగరిస్తివో .. ఇలా బొమ్మ చేస్తివో .. ' అంటూ అదేదో సినిమాలో సీతారామశాస్త్రిగారు రాసిన పాటను గుర్తుచేసుకున్నారు. అంతలా తన గ్లామర్ తో ఈ అమ్మాయి కట్టిపడేసింది. ఆ తరువాత చేసిన 'చిత్రలహరి' .. 'బ్రోచేవారెవరురా' .. 'అల వైకుంఠపురములో' సినిమాలు ఈ సుందరికి మంచి పేరు తెచ్చిపెట్టాయి. అయితే ఎక్కువగా రెండవ హీరోయిన్ గా మాత్రమే మెరుస్తూ వస్తుండటంతో, ఇంకా ఆశించిన స్థాయిలో గుర్తింపు దక్కడం లేదు. అభిమానులు కూడా ఈ నిలువెత్తు బంగారానికి తగిన పాత్ర ఇంకా పడలేదనే అంటున్నారు.
ఈ నేపథ్యంలోనే ఈ బ్యూటీ విష్వక్సేన్ జోడీగా 'పాగల్' సినిమా చేసింది. మే 1వ తేదీన ఈ సినిమాను విడుదల చేయనున్నారు. ఈ సినిమాలో తన పాత్ర చాలా డిఫరెంట్ గా ఉంటుందనీ, యూత్ కి బాగా కనెక్ట్ అవుతుందని నివేదా పేతురాజ్ చెబుతోంది. ఈ సినిమా తన కెరియర్ కి చాలా హెల్ప్ అవుతుందని అంటోంది. విష్వక్సేన్ కి యూత్ లోను .. మాస్ ఆడియన్స్ లోను మంచి క్రేజ్ ఉంది. అందువలన ఈ సినిమాపై అంచనాలు ఉన్నాయి. నరేశ్ కుప్పిలి దర్శకత్వం వహించిన ఈ సినిమా, నివేదా పేతురాజ్ నమ్మకాన్ని ఎంతవరకూ నిలబెడుతుందో చూడాలి.
'మెంటల్ మదిలో' సినిమా ద్వారా పరిచయమైన ఈ పిల్లను చూసినవాళ్లు, 'పూల రెక్కలు .. కొన్నీ తేనె చుక్కలు .. రంగరిస్తివో .. ఇలా బొమ్మ చేస్తివో .. ' అంటూ అదేదో సినిమాలో సీతారామశాస్త్రిగారు రాసిన పాటను గుర్తుచేసుకున్నారు. అంతలా తన గ్లామర్ తో ఈ అమ్మాయి కట్టిపడేసింది. ఆ తరువాత చేసిన 'చిత్రలహరి' .. 'బ్రోచేవారెవరురా' .. 'అల వైకుంఠపురములో' సినిమాలు ఈ సుందరికి మంచి పేరు తెచ్చిపెట్టాయి. అయితే ఎక్కువగా రెండవ హీరోయిన్ గా మాత్రమే మెరుస్తూ వస్తుండటంతో, ఇంకా ఆశించిన స్థాయిలో గుర్తింపు దక్కడం లేదు. అభిమానులు కూడా ఈ నిలువెత్తు బంగారానికి తగిన పాత్ర ఇంకా పడలేదనే అంటున్నారు.
ఈ నేపథ్యంలోనే ఈ బ్యూటీ విష్వక్సేన్ జోడీగా 'పాగల్' సినిమా చేసింది. మే 1వ తేదీన ఈ సినిమాను విడుదల చేయనున్నారు. ఈ సినిమాలో తన పాత్ర చాలా డిఫరెంట్ గా ఉంటుందనీ, యూత్ కి బాగా కనెక్ట్ అవుతుందని నివేదా పేతురాజ్ చెబుతోంది. ఈ సినిమా తన కెరియర్ కి చాలా హెల్ప్ అవుతుందని అంటోంది. విష్వక్సేన్ కి యూత్ లోను .. మాస్ ఆడియన్స్ లోను మంచి క్రేజ్ ఉంది. అందువలన ఈ సినిమాపై అంచనాలు ఉన్నాయి. నరేశ్ కుప్పిలి దర్శకత్వం వహించిన ఈ సినిమా, నివేదా పేతురాజ్ నమ్మకాన్ని ఎంతవరకూ నిలబెడుతుందో చూడాలి.