తారక్ తదుపరి సినిమాపై క్లారిటీ రావడం లేదే..!

యంగ్ టైగ‌ర్ ఎన్టీఆర్ ప్ర‌స్తుతం ద‌ర్శ‌క‌ధీరుడు రాజ‌మౌళి తెర‌కెక్కిస్తున్న ప్ర‌తిష్టాత్మ‌క చిత్రం 'ఆర్.ఆర్ ఆర్' లో న‌టిస్తున్నాడు. దీని త‌రువాత త్రివిక్ర‌మ్ శ్రీనివాస్ దర్శకత్వంలో హాసిని అండ్ హారిక ఎంటర్టైన్మెంట్స్ మరియు ఎన్టీఆర్ ఆర్ట్స్ బ్యానర్ పై ఓ సినిమా చేయాల్సి ఉంది. మరి కొద్ది రోజుల్లో ఈ మూవీ సెట్స్ పైకి వెళ్తుందని అనుకుంటుండగా.. 'ఎన్టీఆర్30' సినిమా ఆగిపోయింద‌ని గత కొన్ని రోజులుగా వార్తలు వస్తున్నాయి. స్టోరీ సెట్ అవకపోడంతో ఈ ప్రాజెక్ట్ పక్కన పెట్టారని టాక్ నడుస్తోంది. ఈ నేపథ్యంలో తారక్ తదుపరి సినిమా ఎంటనేది ఆసక్తికరంగా మారింది.

స్టార్ డైరెక్టర్ కొరటాల శివ దర్శకత్వంలో ఎన్టీఆర్ నెక్స్ట్ సినిమా ఉంటుందని వార్తలు వస్తున్నాయి. ప్రస్తుతం 'ఆచార్య' సినిమాని డైరెక్ట్ చేస్తున్న కొరటాల.. అల్లు అర్జున్ తో ఓ సినిమా అనౌన్స్ చేసిన సంగతి తెలిసిందే. అయితే 'పుష్ప' సినిమా లేట్ అయ్యే అవకాశాలు ఉండటంతో ఎన్టీఆర్ తో సినిమా చేస్తారని అంటున్నారు. అదే సమయంలో 'ఉప్పెన' తో హిట్ కొట్టిన డైరెక్టర్ బుచ్చిబాబుతో తారక్ సినిమా చేసే ఛాన్స్ ఉందనే టాక్ కూడా నడుస్తోంది. 'నాన్న‌కు ప్రేమ‌తో' మూవీ స‌మ‌యంలో ఎన్టీఆర్ తో ఉన్న పరిచయంతో ఇటీవ‌ల బుచ్చిబాబు ఓ స్టోరీ లైన్ వినిపించారని.. దీనికి హీరో సైడ్ నుంచి పాజిటివ్ సిగ్నల్ కూడా వచ్చిందని టాక్ వినిపిస్తోంది.

ఇకపోతే 'కేజీఎఫ్' దర్శకుడు ప్రశాంత్ నీల్ దర్శకత్వంలో ఎన్టీఆర్ ఓ సినిమా చేయాల్సి ఉంది. ఈ చిత్రాన్ని మైత్రీ మూవీ మేక‌ర్స్‌ నిర్మించనున్నారు. కాకపోతే ప్రశాంత్ నీల్ ప్రస్తుతం యంగ్ రెబల్ స్టార్ ప్రభాస్ తో 'సలార్' అనే పాన్ ఇండియా మూవీ చేస్తున్నాడు. ఇది కంప్లీట్ అయితే కానీ ఈ సినిమా స్టార్ట్ అయ్యే ఛాన్సెస్ లేదు. 'ఆర్.ఆర్ ఆర్' సినిమా షూటింగ్ త్వరలోనే పూర్తి అయిపోతుంది. ఈ నేపథ్యంలో ఎన్టీఆర్ తదుపరి సినిమా గురించి క్లారిటీ రావడం లేదు.