గ్లామ‌ర్ నో.. లిప్ లాక్ కి డ‌బుల్ నో!

వెండితెర మీద గ్లామ‌ర్ ను ట‌న్నుల కొద్దీ కుమ్మ‌రించిన ముద్దుగుమ్ముల్లో ఆండ్రియా ఒక‌రు. త‌న అందాల‌తో కైపెక్కించే ఈ అమ్ముడు సంచ‌ల‌న నిర్ణ‌యాన్ని తీసుకున్నారు. ఇక‌పై తాను గ్లామ‌ర్ పాత్ర‌ల్ని పోషించేది లేద‌ని తేల్చి చెబుతున్నారు. అంతేనా.. లిప్ లాక్ లు.. సిగిరెట్ తాగే స‌న్నివేశాల‌కు తాను దూరంగా ఉండ‌నున్న‌ట్లుగా ఆమె చెబుతున్నారు.

తెలుగు.. త‌మిళ చిత్రాల్లో న‌టించిన ఆండ్రియాకు డిఫ‌రెంట్ ఇమేజ్ ఉంది. న‌ట‌న‌తోనూ.. త‌న అందాల‌తోనూ ప్రేక్ష‌కుల్ని కిక్కెక్కించే ఈ భామ గ్లామ‌ర్ పాత్ర‌ల‌కు నో చెబుతూ సంచ‌ల‌న నిర్ణ‌యం తీసుకోవ‌టం  ఇప్పుడు ఆస‌క్తిక‌రంగా మారింది. లారెన్స్ కాంచ‌న మూవీతోపాటు.. ప‌లు పాత్ర‌లు పోషించిన ఆండ్రియా గ్లామ‌ర్ సినిమాల‌కు అద‌న‌పు ఆక‌ర్ష‌ణ‌గా చెబుతారు.

సీనియ‌ర్.. జూనియ‌ర్ అన్న తేడా లేకుండా త‌న పాత్ర ఓకే అయితే.. ఒప్పేసుకునే ఆండ్రియా ఇప్పుడు మాత్రం అందుకు భిన్నంగా ఉంటాన‌ని చెబుతున్నారు. ఈ మ‌ధ్య‌న విడుద‌లైన క‌మ‌ల్ విశ్వ‌రూపం 2లో యాక్ష‌న్ పాత్ర‌లో అద‌ర‌గొట్టేసిన ఆండ్రియా.. ఇక‌పై త‌న ఇమేజ్ పెరిగే అవ‌కాశం ఉన్న ఛాన్సుల‌కు మాత్ర‌మే ఓకే చెప్ప‌నున్న‌ట్లుగా ఆమె  వెల్ల‌డించారు. గ్లామ‌ర్ పాత్ర‌ల‌కు.. లిప్ లాక్ కు నో చెప్పిన ఆండ్రియా.. అందుకు త‌గ్గ రీజ‌న్ ను వివ‌రంగా చెప్పి ఉంటే బాగుండేదన్న అభిప్రాయం వ్య‌క్త‌మ‌వుతోంది.