ఏ హీరో చేయని సాహసం బెల్లంకొండ చేస్తున్నాడు

ఏ హీరో అయినా కూడా హిట్‌ మూవీ కోసం తాపత్రయ పడుతాడు, అందుకోసం సక్సెస్‌ ఫుల్‌ దర్శకుడితో సినిమాలు చేయాలనుకుంటారు. వరుసగా ఫ్లాప్‌ లతో సతమతం అయ్యే ఏ దర్శకుడితో కూడా సినిమాను చేసేందుకు హీరోలు ఆసక్తి చూపించరు. కాని బెల్లంకొండ శ్రీనివాస్‌ మాత్రం రమేష్‌ వర్మ దర్శకత్వంలో సినిమాను చేసేందుకు సిద్దం అయ్యాడు. పబ్లిసిటీ డిజైనర్‌ అయిన రమేష్‌ వర్మ దర్శకత్వంపై అభిరుచితో చాలా సినిమాలను చేశాడు. కాని ఒక్కటి కూడా ఆశించిన స్థాయిలో సక్సెస్‌ అవ్వలేదు. అయినా కూడా దర్శకుడిగా ప్రయత్నాలు చేస్తూనే ఉన్నాడు. చాలా రోజులుగా హీరో కోసం ప్రయత్నిస్తున్న రమేష్‌ వర్మకు ఎట్టకేలకు బెల్లంకొండ హీరో చిక్కాడు.

రమేష్‌ వర్మ దర్శకత్వంలో బెల్లంకొండ హీరోగా చిత్రం ప్రారంభం అయ్యింది. సైకో థ్రిల్లర్‌ నేపథ్యంలో ఈ మూవీ ఉంటుందట. త్వరలోనే ఈ చిత్రం రెగ్యులర్‌ షూటింగ్‌ ప్రారంభం కాబోతుందట. ఇక ఈ చిత్రంలో హీరోయిన్‌ గా రాశిఖన్నాను ఎంపిక చేసినట్లుగా సమాచారం అందుతోంది. రాశిఖన్నాకు 'తొలిప్రేమ' మినహా మరే సినిమాతో కూడా ఈమె ఆకట్టుకోలేక పోయింది. దాంతో రాశిఖన్నాకు మెల్ల మెల్లగా క్రేజ్‌ తగ్గి పోతుంది. ఇలాంటి సమయంలో బెల్లంకొండ ఈమెకు ఛాన్స్‌ ఇచ్చాడు.

బెల్లంకొండ కెరీర్‌ ఆరంభించినప్పటి నుండి చాలా గట్టిగానే సక్సెస్‌ కోసం ప్రయత్నాలు చేస్తున్నాడు. కాని ప్రతిసారి కూడా బెల్లంకొండకు నిరాశే మిగిలింది. ప్రస్తుతం తేజ దర్శకత్వంలో 'సీత' చేస్తున్నాడు. ఇదే సమయంలో రమేష్‌ వర్మతో ఈ చిత్రాన్ని చేసేందుకు ఒప్పుకున్నాడు. మరో వైపు టైగర్‌ నాగేశ్వరరావు బయోపిక్‌ కూడా చేయబోతున్నాడు. కాని ఏ హీరో కూడా చేయని సాహసంను రమేష్‌ వర్మతో సినిమాతో చేస్తున్నాడు. బెల్లంకొండ హీరో చేస్తున్న సాహసం ఫలితాన్ని ఇచ్చేనో చూడాలి.