నాన్న‌కు ప్రేమ‌తో.. డ్యాన్సులే డ్యాన్సులు

యంగ్ టైగ‌ర్ ఎన్టీఆర్ టాలీవుడ్‌ లో ఉన్న మోస్ట్ ప్రామిస్సింగ్ డ్యాన్సింగ్ స్టార్స్‌ లో ఒక‌డిగా పేరు తెచ్చుకున్నాడు. అత‌డి బాడీ లాంగ్వేజ్‌ - డ్యాన్స్ ఫ్లోర్‌ పై మూవ్‌ మెంట్స్ సంథింగ్ స్పెష‌ల్ అన్న ఐడెంటిటీ ఉంది. మాస్ అప్పీల్‌ కి తోడు డ్యాన్సులు అత‌డిని ఇంత పెద్ద స్టార్‌ ని చేశాయ‌న‌డంలో అతిశ‌యోక్తి లేదు. ప్ర‌తి సినిమాలో డ్యాన్సుల ప‌రంగా ఏదైనా కొత్త‌ద‌నం చూపించాల‌న్న త‌ప‌న జూనియ‌ర్‌ లో ప‌క్కాగా క‌నిపిస్తుంది. స్టూడెంట్ నంబ‌ర్ -1లో కూచిపూడి కైనా.. దిర‌న‌నా.. ఆనాటి రాముణ్ణి.. అంటూ అత‌డు వేసిన క్లాసిక్ స్టెప్పుల్ని ఇప్ప‌టికీ మ‌ర్చిపోలేం. నాటి నుంచి అత‌డు ప్ర‌తి సినిమాలో డ్యాన్సుల ప‌రంగా వైవిధ్యాన్ని చూపించాడు. స్సెషాలిటీని వెండితెర‌పై ఆవిష్క‌రించి అభిమానుల్ని పెంచుకున్నాడు.

ఎంతోమంది సూపర్‌ స్టార్ లే ఎన్టీఆర్‌ డ్యాన్సులకు ఫ్యాన్లు అంటే దానిని బ‌ట్టి అర్థం చేసుకోవ‌చ్చు. అందుకే ఇప్పుడు ఆ పాజిటివ్ యాంగిల్‌ ని సుకుమార్ ప‌క్కాగా యూజ్ చేస్తున్నాడు. నాన్న‌కు ప్రేమ‌తో సినిమాలో యంగ్ టైగ‌ర్ స్టెప్పులు మ‌రింత అడ్వాన్స్‌డ్‌ గా చూపించేందుకు ప్ర‌య‌త్నిస్తున్నాడు. అందుకు త‌గ్గట్టే జూనియ‌ర్ బాడీ లాంగ్వేజ్‌ లో కొత్త మూవ్‌ మెంట్‌ ని క‌నిపెట్టే ప్ర‌య‌త్నాల్లో ఉన్నారుట‌.  హైద‌రాబాద్‌ లో ఓ భారీ సెట్ వేసి ప్ర‌స్తుతం ఓ సాంగ్‌ ని చిత్రీక‌రించే ప‌నిలో ఉన్నారు. ఈ  సాంగ్ సినిమాకే హైలైట్‌ గా ఉంటుంద‌ని, ఇందులో ఎన్టీఆర్ స్టెప్పులు ఇంత‌కుముందెప్పుడూ చూడ‌నంత కొత్త‌గా ఉంటాయ‌ని ప్ర‌చారం సాగుతోంది. ఎన్టీఆర్ డ్యాన్సులు ల్యాండ్ మార్క్ డ్యానులు అవుతాయ‌ని చెబుతున్నారు. నాన్న‌కు ప్రేమ‌తో 2016 సంక్రాంతికి వ‌స్తోంది. ఎన్టీఆర్ ఏం కొత్త‌గా చేశాడు? అన్న‌ది తెలియాలంటే అంత‌వ‌ర‌కూ ఆగాల్సిందే.