ఆ స్టార్స్ ఎవరికీ వారే అయినా సినిమా ఆగదట..!

టాలీవుడ్ యంగ్ టైగర్ ఎన్టీఆర్ - డైరెక్టర్ త్రివిక్రమ్ కాంబినేషన్ లో 'అరవింద సమేత' ఫస్ట్ సినిమాగా వచ్చి సూపర్ హిట్ అయిన విషయం తెలిసిందే. అయితే అలా ఫస్ట్ మూవీ ముగిసిందో లేదో ఎన్టీఆర్ తో సెకండ్ మూవీ ప్రకటించాడు త్రివిక్రమ్. మొన్నటివరకు కూడా వీరి సెకండ్ కాంబో మూవీ ఇండస్ట్రీలో హాట్ టాపిక్ అయింది. కానీ సడన్ గా ఏమైందో ఏమోగానీ ఇద్దరూ ప్రకటించిన సినిమాను పక్కన పెట్టేసి.. ఎవరికీ వారు వేరే హీరోతో, వేరే డైరెక్టర్ తో సినిమాలు ఓకే చేసుకున్నారు. ఈ విషయం తెలిసి ఇండస్ట్రీతో పాటు ఫ్యాన్స్ కూడా షాకయ్యారు. మరి ఒక్కసారిగా వద్దు అనుకున్నారంటే ఖచ్చితంగా సినిమాను పక్కన పెట్టేసినట్లే అనుకున్నారు ప్రేక్షకులు.

కానీ ఇండస్ట్రీ వర్గాల సమాచారం ప్రకారం.. త్రివిక్రమ్ - ఎన్టీఆర్ సెకండ్ కాంబినేషన్ మళ్లీ రానుందని టాక్. 'అయినను పోయిరావలె హస్తినకు' ఇంతకాలం ప్రచారమైన వీరి సినిమా ప్రస్తుతానికి మాత్రమే పక్కన పెట్టారని అది ఫ్యూచర్ లో తెరమీదకి పక్కా వచ్చే అవకాశం ఉందని త్రివిక్రమ్ సన్నిహితవర్గాలు చెబుతున్నాయట. ప్రస్తుతం ఎన్టీఆర్ త్రివిక్రమ్ ను కాదని కొరటాల శివతో కమిట్ అయ్యాడు. మరోవైపు త్రివిక్రమ్ కూడా మహేష్ తో మూడోసారి సినిమా చేయబోతున్నాడు. అటు ఎన్టీఆర్ - కొరటాల చిత్రం, ఇటు త్రివిక్రమ్ - మహేష్ బాబు చిత్రం రెండు కూడా స్క్రిప్ట్ దశలో ఉన్నాయి. ఇదిలా ఉండగా.. ప్రస్తుతం ఎన్టీఆర్ ఆర్ఆర్ఆర్, మహేష్ సర్కారు వారి పాట సినిమాలతో బిజీగా ఉన్నారు. ఈ రెండు కూడా ఈ ఏడాది విడుదల అవుతాయని తెలుస్తుంది. చూడాలి మరి ఎన్టీఆర్ - త్రివిక్రమ్ సెకండ్ మూవీ పట్టాలెక్కుతుందేమో..!