హీరో 'శర్వానంద్'కు విషెస్ తెలిపిన పాన్ ఇండియా హీరో!

డార్లింగ్ ప్రభాస్ ప్రస్తుతం సలార్ సినిమాతో బిజీగా ఉన్న సంగతి తెలిసిందే. ఇటీవలే ఆ సినిమా మొదటి షెడ్యూల్ పూర్తిచేసుకొని సలార్ బృందం తదుపరి షెడ్యూల్ కోసం రెడీ అవుతోంది. ప్రభాస్ కూడా నెక్స్ట్ షెడ్యూల్ కోసం అన్నివిధాలా సన్నద్ధం అవుతున్నాడు. ఇదిలా ఉండగా.. ప్రభాస్ నుండి ఈ ఏడాది రాధేశ్యామ్ సినిమా రాబోతుంది. పాన్ ఇండియా సినిమాగా రూపొందిన ఈ సినిమాకు జిల్ ఫేమ్ రాధాకృష్ణ కుమార్ దర్శకత్వం వహించాడు. డార్లింగ్ నుండి లాస్ట్ సాహో విడుదలై దాదాపు రెండేళ్లు కావస్తుంది. అందుకే అభిమానులు రాధేశ్యామ్ కోసం ఆత్రంగా ఎదురుచూస్తున్నారు. ఇప్పటికే రాధేశ్యామ్ పోస్టర్స్ అండ్ ఫస్ట్ గ్లింప్స్ తో ఓ రేంజిలో అంచనాలు పెంచేసింది.

ఇదిలా ఉండగా.. ప్రభాస్ తన సినిమాలతో పాటు వేరే హీరోల సినిమాలకు కూడా మద్దతుగా నిలుస్తుంటాడు. తాజాగా యంగ్ హీరోకి రిలీజ్ సందర్బంగా విషెస్ తెలిపాడు. ప్రస్తుతం ఆ పోస్ట్ సోషల్ మీడియాలో వైరల్ అవుతోంది. ప్రభాస్.. శర్వానంద్ నటించిన శ్రీకారం సినిమా విడుదలకు రెడీ అవ్వడంతో ఆ సినిమా ట్రైలర్ చూసి ఫేస్ బుక్ వేదికగా శర్వానంద్ కు విషెస్ తెలిపాడు. 'మై డియర్ బ్రదర్ శర్వానంద్! ఆల్ ది బెస్ట్. శ్రీకారం మూవీ స్నీక్ పీక్ చూసాను. చాలా నచ్చింది. చిత్రయూనిట్ మొత్తానికి బెస్ట్ విషెస్' అంటూ పోస్ట్ చేసాడు. ప్రభాస్ పోస్ట్ తో శ్రీకారం చిత్రయూనిట్ కి మరింత బలం చేరిందని చెప్పవచ్చు. ఈ సినిమాను కిషోర్ రెడ్డి డైరెక్ట్ చేయగా.. ప్రియాంక అరుల్ హీరోయిన్ గా నటించింది. మార్చ్ 11న సినిమా విడుదల కాబోతుంది. ప్రస్తుతం డార్లింగ్ పోస్ట్ నెట్టింట చక్కర్లు కొడుతోంది.