అజ్ఞాతవాసి.. ట్రైలర్ అండ్ సెన్సార్ డేట్స్ ఇవే

జనవరి 10న రిలీజయ్యే అజ్ఞాతవాసి సినిమా గురించి ఆల్రెడీ పవన్ కళ్యాణ్‌ అండ్ త్రివిక్రమ్ లు భారీగా ప్రచార కార్యక్రమాలు నిర్వహిస్తున్నారు. ఇప్పటికే అనిరుధ్ అందించిన పాటలన్నీ బాగా క్లిక్ అయిపోవడంతో.. ఈ సినిమాకు క్రేజ్ బాగా పెరిగింది. అయితే ఇప్పటివరకు టీజర్ తోనే సరిపెట్టేసిన త్రివిక్రమ్ అండ్ కో.. ఫైనల్ గా ఏది ఎప్పుడొస్తుంది అనే విషయంపై ఒక కొత్త డేట్ ను ముందుంచారు.

నిజానికి డిసెంబర్ 25న రావాల్సిన అజ్ఞాతవాసి ట్రలైర్ పోస్ట్ పోన్ అయిన సంగతి తెలిసిందే. అయితే ఈ సినిమా టీజర్ ను న్యూ ఇయర్ కు కూడా రిలీజ్ చేయట్లేదు. అప్పుడు మెగా ఫ్యామిలీ సినిమా అయిన నా పేరు సూర్య నా ఇల్లు ఇండియా టీజర్ వస్తోంది కాబట్టి.. జనవరి 5న అజ్ఞాతవాసి టీజర్ ను రిలీజ్ చేస్తాడట. అది కూడానూ స్వయంగా పవన్ కళ్యాణ్‌ ట్వీట్ చేస్తారని టాక్. ఇకపోతే సినిమా సెన్సార్ విషయంలో టీమ్ ఆల్రెడీ రెడీగా ఉన్నట్లు తెలుస్తోంది. ఈరోజు ఆల్రెడీ ఫస్ట్ కాపీ మొత్తం రెడీ చేసేసి.. క్యూబ్ వారికి అప్ లోడ్ చేస్తున్నారట. అక్కడి నుండి డిసెంబర్ 29న సెన్సార్ జరిగే ఛాన్సున్నట్లు తెలుస్తోంది. అంటే ఆఖరి నిమిషంలో సెన్సార్ సమస్యలు తలెత్తకుండా.. ముందుగానే సాఫీగా పనులు కానిస్తున్నారులే.

త్రివిక్రమ్ డైరక్షన్లో రూపొందిన అజ్ఞాతవాసి సినిమాలో కీర్తి సురేష్‌ మరియు అను ఎమ్మానుయేల్ హీరోయిన్లుగా నటిస్తున్నారు. ఈ సినిమాలో ఖుష్బూ పోషించిన పాత్ర హైలైట్ అవ్వనుందని టాక్. అయితే సినిమాకు అనిరుధ్ అందించిన సంగీతం మరియు త్రివిక్రమ్ రాసిన డైలాగులు మేజర్ హైలైట్ అంటున్నారు. అది సంగతి.