మెగా స్టార్ కోసం అజ్ఞాతవాసి స్పెషల్ షో

టాలీవుడ్ మెగా స్టార్ చిరంజీవి తన బాక్స్ ఆఫీస్ సినిమాలతో అభిమానులను ఎలా ఆకట్టుకున్నాడో అందరికి తెలిసిందే. ఇక ఆయన తమ్ముడు పవర్ పవర్ స్టార్ పవన్ కళ్యాణ్ మాత్రం సినిమాలతో కన్నా తన వ్యక్తిత్వం తోనే ఎంతో మంది అభిమానులను సంపాదించుకున్నాడు. ప్రస్తుతం పవన్ అభిమానులు ఎంత ఆనందంగా ఉన్నారో ప్రత్యేకంగా చెప్పనక్కర్లేదు. పవన్ 25వ సినిమా అజ్ఞాతవాసి మరి కొన్ని రోజుల్లో రిలీజ్ అవుతుండడంతో అందరు చాలా ఆసక్తిగా వెయిట్ చేస్తున్నారు.

ఇక టాలీవుడ్ లో ఉండే చాలా మంది సినీ ప్రముఖులు అలాగే పవన్ ని వ్యక్తిగతంగా అభిమానించే స్టార్స్ స్పెషల్ షో వేయించుకొని మరి చూడాలని అనుకుంటున్నారు. ఇక అసలు విషయానికి వస్తే.. మెగాస్టార్ చిరంజీవి కూడా సినిమా చూసేందుకు ఆసక్తిని చూపిస్తున్నారు అని ప్రస్తుతం టాలీవుడ్ లో టాక్ గట్టిగా వినిపిస్తోంది. సినిమా విడుదలకు ముందు స్పెషల్ షో వేయాలని దర్శకుడు త్రివిక్రమ్ నిర్మాత చినబాబు సన్నాహకాలు చేస్తున్నారట. విడుదలకు రెండు రోజుల ముందు మెగా స్టార్ తన ఫ్యామిలీతో కలిసి సినిమా చూస్తారట. మెగా యువ హీరోలు అలాగే రామ్ చరణ్ దంపతులు అజ్ఞాతవాసి చూడటానికి చాలా ఇష్టపడుతున్నారని తెలుస్తోంది.

ఇప్పటికే టీజర్ ఆడియో ఓ రేంజ్ లో అంచనాలను రేపింది. ఇక న్యూ ఇయర్ సందర్భంగా వచ్చిన కొడకా కోటేశ్వరరావు అనే పాట కూడా దుమ్ము దులుపుతోంది. మరికొన్ని రోజుల్లో ట్రైలర్ కూడా రాబోతోంది. ఫైనల్ గా జనవరి 10న రిలీజ్ కాబోతోన్న ఈ సినిమా ఎలాంటి సంచలనాలను సృష్టిస్తుందో చూడాలి.