ఇటలీ పాటల్లో ఇలా ఉన్నారబ్బా!!

పవన్ కళ్యాణ్‌ అండ్ కాటమరాయుడు టీమ్ ప్రస్తుతం పని విషయంలో పరుగులు పెడుతున్నారు. మనోళ్ళు ఎలాగైనా సరే సినిమాను మార్చి 24న రిలీజ్ చేయాలంటే.. ఇప్పుడు ఆఘమేఘాల మీదనే వర్కంతా కంప్లీట్ చేయాలి. అందుకే దర్శకుడు డాలీ హైదరాబాదులో పోస్ట్ ప్రొడక్షన్ పనులు చూసుకుంటుంటే.. పవన్ ఇటలీలో పాటలు షూట్ చేస్తున్నాడు. ఇప్పుడు ఆ పని కూడా పూర్తయ్యింది.

ఒక నిన్న సాయంత్రమే ఇటలీ నుండి బయలుదేరి ఇండియా వస్తున్న టీమ్.. అంతకంటే ముందే ఇండియాకు అక్కడి ఫోటోలను పంపేశారు. ఇప్పుడు ఆ ఫోటోలతనే కొత్త పోస్టర్లు కూడా వచ్చేశాయి. మూడు పాటలకే ఆడియో సూపర్ హిట్ అంటూ వచ్చిన కొత్త పోస్టర్లలో ఇప్పుడు శృతి హాసన్ అండ్ పవన్.. ఇటలీలో తీసిన పాటల్లో ఎలా ఉన్నారో మనకు కనిపిస్తున్నారు. యథావిథిగా శృతి చాలా హాటుగా ఉంటే.. పవన్ చాలా సింపుల్ అండ కూల్ గా ఉన్నాడు. సినిమా అంతా మనోడు ఖాదీలో మెరిశాడు కాబట్టి.. పాటల్లో మోడ్రన్ బట్టల్లో రచ్చ లేపేశాడు.

కాటమరాయుడు పోస్ట్ ప్రొడక్షన్ వర్క్ అంతా దాదాపు పూర్తయ్యిందట. ఈరోజు సాయంత్రం కాని.. రేపు కాని.. పవన్ కళ్యాణ్‌ ఒకసారి ఫైనల్ కాపీ చూస్తాడని తెలుస్తోంది. ఈ సినిమాకు తానే దగ్గరుండి అన్నీ చూసుకుంటున్న పవన్.. చాన్నాళ్ళకు తన సినిమాను రిలీజ్ కు ముందే చూస్తున్నాడు.

Like Us on Facebook : https://www.facebook.com/Tupakidotcom/