పవన్ సినిమా టైటిల్ అదే...

పవర్ స్టార్ పవన్ కళ్యాణ్ - త్రివిక్రమ్ శ్రీనివాస్ ల కాంబినేషన్ లో వస్తున్న సినిమాపై అభిమానుల్లో బోలెడు ఆశలు ఉన్నాయి. పవన్ కళ్యాణ్ 25వ సినిమా కావడం.. ఇంతకుముందు వీళ్లిద్దరి కాంబినేషన్ లో వచ్చిన సినిమా ఇండస్ట్రీ రికార్డులు సృష్టించడంతో కొత్త సినిమా కూడా అదే స్థాయి విజయం సాధిస్తుందనే ఆశతో ఉన్నారు. ఈ సినిమాకు టైటిల్ ఏం పెడతారా అభిమానులు ఉత్సుకతతో ఎదురుచూస్తున్నారు.

పవన్ - త్రివిక్రమ్ ల సినిమాకు అజ్ఞాతవాసి అనే టైటిల్ పరిశీలనలో ఉందని ఇంతకుముందే తుపాకి.కామ్ వెల్లడించింది. ఇప్పుడు దాదాపు గా ఇదే టైటిల్ కన్ఫర్మ్ చేసే ఆలోచనలో ప్రొడక్షన్ హౌస్ హారిక అండ్ హాసిని క్రియేషన్స్ తో పాటు చిత్ర దర్శకుడు త్రివిక్రమ్ ఉన్నట్టు తెలుస్తోంది. అజ్ఞాతవాసి టైటిల్ ను ఇప్పటికే ఫిలింఛాంబర్స్ లో కూడా రిజిస్టర్ చేశారు. టైటిల్ డిఫరెంట్ గా ఉండటంతో పాటు కుతూహలం రేకెత్తించేలా ఉండటంతో అభిమానులు కూడా హ్యాపీగానే ఉన్నారు. ఇందులో కీర్తి సురేష్ - అను ఇమ్మానుయేల్ హీరోయిన్లుగా నటిస్తున్నారు. అనిరుధ్ తొలిసారి పవన్ సినిమాకు మ్యూజిక్ అందిస్తున్నాడు.

పవన్ కూడా తన ఇమేజ్ కన్నా కథకే ప్రాధాన్యం ఇస్తారు. అత్తారింటికి దారేది సినిమాకు ఆ టైటిల్ పెట్టినప్పుడు కొందరు అభిమానుల నుంచి అభ్యంతరాలు వచ్చినా ఆ కథకు సరైన టైటిల్ అని పవన్ స్పష్టంగా చెప్పాడు. సో.. ఈసారి కూడా కథకు అనుగుణంగా పెడుతున్న టైటిల్ కావడంతో పవన్ నుంచి కూడా ఎలాంటి అభ్యంతరం ఎదురుకాకపోవచ్చు.