పవన్ ఫ్యాన్స్.. మళ్లీ మొదలెట్టేశారుగా!

మెగా ఫ్యామిలీలో యాక్టర్స్ అంతా కలిసి దీపావళి సందర్భంగా ఓ ఫోటో దిగి అభిమానులకు కనుల విందు చేశారు. చిరంజీవి-రామ్ చరణ్.. నాగబాబు-వరుణ్ తేజ్- నీహారిక.. అల్లు అర్జున్-శిరీష్.. సాయిధరం తేజ్-వైష్ణవ్ తేజ్(ఇంకా యాక్టర్ కాదు).. ఈ ఫోటోలో కనిపించడంతో మెగా ఫ్యాన్స్ అంతా ఖుషీ అయిపోయారు కానీ.. ఈ ఫోటోలో పవన్ కళ్యాణ్ లేడనే విషయం బాగా హైలైట్ అయింది.

ఇది పవన్ ఫ్యాన్స్ ను బాగా హర్ట్ చేసినట్లయింది. అందుకే ఆ ఫోటోలో తమ హీరోను కూడా ఇన్ క్లూడ్ చేస్తూ ఓ స్టిల్ తయారు చేశారు. పవన్ కళ్యాణ్ తనే సెల్ఫీ తీసుకుంటున్నట్లుగా ఫోటోను మార్ఫింగ్ చేశారు. అంత వరకూ ఓకే కానీ.. ఇక్కడ పవన్ ఫ్యాన్స్ చేసిన అసలు పనేంటంటే.. మెగా ఫ్రేమింగ్ లో అల్లు బ్రదర్స్ కనిపించకుండా పవన్ కళ్యాణ్ ని సెట్ చేశారు.

అంతే కాదు.. ఇదే అసలైన మెగా ఫ్యామిలీ అంటూ ట్వీట్లు కూడా పెట్టి షేర్ చేస్తున్నారు పవన్ ఫ్యాన్స్. తామంతా ఒక్కటే మెగా హీరోలు ఎన్ని రకాలుగా చెప్పినా హార్డ్ కోర్ పవన్ ఫ్యాన్స్ మాత్రం అల్లు హీరోల విషయంలో కఠినంగానే ఉంటున్నారు. 'చెప్పను బ్రదర్' అంటూ బన్నీ కామెంట్ నుంచి ఈ గ్యాప్ జనరేట్ అయ్యి.. అంతకంతకూ పెరిగిపోతోంది. ఈ గ్యాప్ ఇంకా పెరక్కుండా ఉండాలంటే.. నిజంగానే పవన్ తో కలిసి అందరూ హీరోలు ఒకసారి కనిపించి.. నాలుగు మాటలు చెబితే సరిపోతుందేమో!

Like Us on Facebook : https://www.facebook.com/Tupakidotcom/